ဒန်းညက်စ်ရှိ ရုရှားတပ်စခန်းကို မောင်းသူမဲ့ အမြောက်ဖြင့် ယူကရိန်း ပစ်ခတ်

ယူကရိန်းစစ်သည်တွေဟာ ဒန်ညက်စ်၊ အော့ဘ်လပ်စ်မြို့ ဘာ့ခ်မွတ်နားက ရုရှားတပ်စခန်းတွေကို ဒီဇင်ဘာ ၃ ရက်က မောင်းသူမဲ့ ဟောင်ဝစ်ဇာ အမြောက်တစ်စင်းနဲ့ ပစ်ခတ်ခဲ့ပါတယ်။
ယူကရိန်းစစ်သည်တွေက အမြောက်ဆန်တွေနဲ့ တရစပ် ပစ်ခတ်နေလို့ လေပြင်းကို ခွင်းပြီး ကျယ်လောင်တဲ့ အသံတွေ ထွက်နေတာပါ။
“ပြင်းထန်မှုကတော့ အမိန့်အပေါ်မှာ မူတည်တယ်။ နေ့တိုင်း ကျည် ၁၂ လုံးလောက် ပစ်ခတ်နိုင်တယ်”လို့ ယူကရိန်း စစ်မှုထမ်း တစ်ဦးက ရိုက်တာသတင်းဌာနကို ပြောပါတယ်။
ရုရှားတပ်ဖွဲ့တွေက စလိုဗျန့်စ်ခ်နဲ့ ခရာမာတော့စ်ခ်မြို့တွေဆီ ဦးတည်တဲ့ လမ်းမကြီးပေါ်မှာ ရှိတဲ့ ဘာ့ခ်မွတ်ကို သိမ်းပိုက်ဖို့ အကြိမ်ကြိမ် ကြိုးစားခဲ့တာပါ။
အဲဒီ နှစ်နေရာလုံးဟာ ရုရှားအစိုးရကအပြည့်အဝ မသိမ်းပိုက်နိုင်သေးတဲ့ စက်မှု ဒေသ ဒွန်ဘတ်စ် မှာ ရှိနေပါတယ်။
ရုရှားက မြောက်နဲ့ တောင်ဘက်ဆီ နည်းဗျူဟာမြောက် တိုးတက်မှုတွေနဲ့ ဘာ့ခ်မွတ်ကို ဝန်းရံဖို့ စီစဉ်နေနိုင်တယ်လို့ ဗြိတိန်ကာကွယ်ရေးဝန်ကြီးဌာနက ဒီဇင်ဘာ ၃ ရက်က ပြောခဲ့ပါတယ်။