ပြင်သစ်တိုက်စစ်မှူး အိုလီဗီယာဂျရူးဟာ အွန်နရီရဲ့စံချိန်ကို ချိုးဖျက်ပြီး ပြင်သစ်အသင်းရဲ့ သမိုင်းတစ်လျှောက် သွင်းဂိုးအများဆုံးကစားသမားအဖြစ် စံချိန်တင်နိုင်ခဲ့ပါတယ်။

ဂျရူးဟာ ပိုလန်ကို ၃ ဂိုး ၁ ဂိုးနဲ့ အနိုင်ရခဲ့တဲ့ ၁၆ သင်းအဆင့်ရှုံးထွက်ပွဲစဉ်မှာ ဦးဆောင်ဂိုးတစ်ဂိုး သွင်းနိုင်ခဲ့တာပါ။အဲဒီသွင်းဂိုးဟာ ပြင်သစ်အသင်းအတွက် ၅၂ ဂိုးမြောက်ဂိုးဖြစ်ပြီး ၅၁ ဂိုးနဲ့ စံချိန်တင်ထားတဲ့ အွန်နရီရဲ့ စံချိန်ကို ကျော်ဖြတ်ကာ ဂျရူးက ပြင်သစ်အသင်းရဲ့ ဂိုးအများဆုံးသွင်းတဲ့ ကစားသမား ဖြစ်လာခဲ့တာပါ။

အသက် ၃၆ နှစ်ရှိ အေစီမီလန် တိုက်စစ်မှူးဟာ ၂၀၁၂ ခုနှစ်က ဂျာမနီနဲ့ ကစားခဲ့တဲ့ခြေစမ်းပွဲစဉ်မှာ ပြင်သစ်အတွက် ပထမဆုံးဂိုး စတင်သွင်းယူနိုင်ခဲ့ပြီး ဆယ်စုနှစ်တစ်ခုအတွင်းမှာ ၅၂ ဂိုးအထိ သွင်းယူနိုင်ခဲ့တာဖြစ်ပါတယ်။