တရုတ်နဲ့ အိန္ဒိယ နှစ်နိုင်ငံတပ်တွေကြား နယ်စပ်တိုက်ပွဲကြောင့် ဒေါသဖြစ်ခဲ့တဲ့ အိန္ဒိယ ဆန္ဒပြသူတွေဟာ ဒီဇင်ဘာ ၁၃ ရက်မှာ တရုတ်အလံတွေနဲ့ ကုန်ပစ္စည်းတွေကို မီးရှို့ခဲ့ပါတယ်။

ခိုက်ရန်ဖြစ်ပွားမှုကြောင့် နှစ်ဖက်တပ်သားတွေ အနည်းငယ် ထိခိုက်ဒဏ်ရာရခဲ့ပေမဲ့ အိန္ဒိယစစ်သားတွေ ထိခိုက်ကျဆုံးမှုမရှိဘူးလို့ လွှတ်တော်ထဲမှာ အိန္ဒိယကာကွယ်ရေးဝန်ကြီး ရပ်ဂျ်နာ့သ် ဆင်းဂ်က လွှတ်တော်အမတ်တွေကို ပြောပါတယ်။

ဟိမဝန္တာအရှေ့မြောက်ပိုင်း ဟိမဝန္တာတောင်တန်းဒေသက တရုတ်ပိုင်နက်နယ်မြေထဲကို မဝင်ဖို့ တားမြစ်ထားတယ်လို့လည်း သူက ဆက်ပြောပါတယ်။

တရုတ်နိုင်ငံတောင်ပိုင်းနဲ့ နယ်နိမိတ်ချင်း ထိစပ်နေတဲ့ အရွန်နာချယ် ပရာဒက်ရှ်ပြည်နယ်ရဲ့ တာဝမ်နယ်မြေကို သူပိုင်တယ်လို့ တရုတ်ကလည်း အခိုင်အမာ ပြောထားပါတယ်။

တရုတ်က ထိန်းချုပ်ထားတဲ့ တိဗက်ကုန်းပြင်မြင့်အနားက ဂယ်ဝမ်တောင်ကြားမှာ အိန္ဒိယနဲ့ တရုတ်တပ်တွေ အချင်းချင်း အပြန်အလှန် တိုက်ခိုက်ကြတဲ့ ၂၀၂၀ ပြည့်နှစ် ဇွန်လမှာ ဖြစ်ခဲ့တဲ့ တိုက်ပွဲတွေ နောက်ပိုင်းမှာ ခုတကြိမ်ဟာ နှစ်နိုင်ငံအကြား ပထမဆုံးတိုက်ခိုက်မှု ဖြစ်လာပါတယ်။