ရီးရဲလ်မက်ဒရစ်အသင်းဟာ ဘရာဇီးကလပ် ပါးမီးယက်စ်အသင်းက ဆယ်ကျော်သက် တိုက်စစ်မှူး အန်ဒရစ်ကို ပေါင် ၅၁ သန်းနဲ့ ခေါ်ယူနိုင်ခဲ့ပါတယ်။

အသက် ၁၆ နှစ်ပဲရှိသေးတဲ့ အန်ဒရစ်ဟာ ပါးမီးယက်စ်မှာ အထူးခြေစွမ်းပြနေပြီး ချဲလ်ဆီး၊ ဘာစီလိုနာနဲ့ ပီအက်စ်ဂျီအသင်းတွေကို ကျော်ဖြတ်ပြီး ရီးရဲလ် အသင်းက လက်ဦးမှုရယူနိုင်ခဲ့တာဖြစ်တယ်လို့ဆိုပါတယ်။

ဆယ်ကျော်သက်တိုက်စစ်မှူးဟာ မက်ဒရစ်ကိုလာပြီး စာချုပ်ချုပ်ဆိုမှာဖြစ်ပေမယ့် ပါးမီးယက်စ်မှာ ပြန်ကစားရမှာဖြစ်ပြီး ၂၀၂၄ ခုနှစ် ရောက်မှ အသင်းနဲ့ ပူးပေါင်းနိုင်မှာဖြစ်ပါတယ်။

အန်ဒရစ်ဟာ ပါးမီးယက်စ်လူငယ်အသင်းမှာ စုစုပေါင်း ၁၆၉ ပွဲကစားခဲ့ရာမှာ ၁၆၅ ဂိုးသွင်းယူနိုင်ခဲ့တယ်လို့ သိရပါတယ်။

ဘရာဇီးယူ ၁၆ လက်ရွေးစင်လည်းဖြစ်တဲ့သူဟာ နိုင်ငံအသင်းနဲ့ ၄ ပွဲမှာ ၅ ဂိုးသွင်းယူနိုင်ခဲ့ပါတယ်။