ယူကရိန်းကို အကူအညီပေးရန် အီးယူခေါင်းဆောင်များအား သမ္မတ ဇလန်းစကီး တိုက်တွန်း
ဥရောပသမဂ္ဂခေါင်းဆောင်တွေဟာ စစ်ပွဲအတွင်း ၁၀ လနီးပါး ကျရောက်နေတဲ့ ယူကရိန်းနိုင်ငံ လိုအပ်နေတဲ့ အကူအညီတွေကို အတည်ပြုပေးဖို့ ယူကရိန်းသမ္မတ ဗိုလိုဒီမာ ဇလန်းစကီးက ဒီဇင်ဘာ ၁၅ ရက်မှာ တိုက်တွန်းလိုက်ပါတယ်။
“ယူကရိန်းနဲ့ ဥရောပတခွင်လုံးအတွက် ငြိမ်းချမ်းရေးကြိုးပမ်းမှုတွေက အီးယူအဖွဲ့ဝင် နိုင်ငံတချို့ကြားက နားလည်မှု လွဲမှားတာတွေနဲ့ အငြင်းပွားမှုတွေအပေါ် မူတည်မနေဘူး ဆိုတာ သေချာအောင် အလေးအနက် တောင်းဆိုပါတယ်”လို့ ဇလန်းစကီးက ဗွီဒီယိုမိန့်ခွန်းမှာ ပြောကြားခဲ့ပါတယ်။
အီးယူခေါင်းဆောင်တွေဟာ ကြာသပတေးနေ့က ထိပ်သီးအစည်းအဝေးမှာ ယူကရိန်းအတွက် အဓိက အကူအညီပေးရေး အစီအစဉ်နဲ့ ရုရှားအပေါ် ပိတ်ဆို့အရေးယူမှုအသစ်တွေအပေါ် အပေးအယူကိစ္စတွေမှာ သဘောထားကွဲလွဲမှုတွေကို ဖြေရှင်းဖို့ ကြိုးစားခဲ့ကြပါတယ်။
ရုရှားရဲ့ ကျူးကျော်မှုတွေကို မကြုံစဘူး ပိတ်ဆို့အရေးယူမှုတွေ လုပ်ဆောင်ပြီးနောက် နှစ်ကုန်ပိုင်းမှာ အီးယူက ယူကရိန်းကို ထောက်ပံ့ဖို့ အစီအစဉ်တွေကို ပိတ်ပင်ထားပေမဲ့ မော်စကိုအပေါ် ဖိအားဘယ်လောက်ပေးရမယ် ဆိုတဲ့အပေါ် သဘောတူဖို့ မကြာခဏ ရုန်းကန်နေရပြီး ခေါင်းဆောင်တွေဟာ တာဝန်ယူရမယ့်ကိစ္စတွေလည်း အများအပြား ရှိနေတာပါ။
ပိုလန်နိုင်ငံကတော့ အနည်းဆုံး ကော်ပိုရိတ်အခွန်ဆိုင်ရာ သဘောတူညီချက်တရပ်ကို ကိုင်ဆောင်ထားပြီး အဲဒါကို သက်တမ်းတိုးခြင်းအားဖြင့် ယူကရိန်းကို ယူရို ၁၈ ဘီလီယံ ချေးငွေပေးဖို့ အချက်တချက် တင်ပြခဲ့ပါတယ်။
အဖွဲ့ဝင်နိုင်ငံတွေကတော့ ဒါဟာ တူညီတဲ့ ပက်ကေ့ချ်ရဲ့ တစိတ်တပိုင်းဖြစ်မယ်လို့ အရင်က သဘောတူထားပေမဲ့ အနိမ့်ဆုံးအခွန်ရဲ့ သက်ရောက်မှုကို စိုးရိမ်တဲ့ ပိုလန်ဝန်ကြီးချုပ် မာတဲယိုစ် မိုရာဗီယက်စကီက သူထောက်ခံလိုက်တဲ့ ယူကရိန်းအကူအညီနဲ့ ပက်ကေ့ချ်ဟာ ပြန်ရွေးနုတ်ခံရမယ့်ငွေ ဖြစ်နေမယ်လို့ ပြောကြားခဲ့ပါတယ်။
