မန်စီးတီးအသင်းနဲ့ ချန်ပီယံလိဂ်ဆုဖလားသာ မရယူနိုင်ခဲ့ရင် ပြီးပြည့်စုံတဲ့အောင်မြင်မှု ဖြစ်မှာမဟုတ်ကြောင်း နည်းပြ ဂွါဒီယိုလာက ပြောပါတယ်။

မန်စီးတီးအသင်းဟာ ချန်ပီယံလိဂ်ဗိုလ်လုပွဲကို တကြိမ်တက်ရောက်ခဲ့ပြီး ဆီမီးဖိုင်နယ်တကြိမ် တက်ခဲ့ပေမဲ့ ချန်ပီယံဆု ရယူနိုင်ခြင်း မရှိသေးတာပါ။

နည်းပြ ဂွါဒီယိုလာဟာ ပြီးခဲ့တဲ့လပိုင်းက အသင်းနဲ့ ၂ နှစ်သက်တမ်းတိုးစာချုပ် ချုပ်ဆိုခဲ့ပြီးနောက် ချန်ပီယံလိဂ်ဆုဖလား မရသေးတာနဲ့ ပတ်သက်ပြီး သုံးသပ်ခဲ့တာပါ။

ချန်ပီယံလိဂ်ဆုဖလားက အသင်းသားတွေလိုချင်တဲ့ ဆုဖလားဖြစ်ပြီး မရယူနိုင်ခဲ့ဘူးဆိုရင် ပြီးပြည့်စုံမှာမဟုတ်ကြောင်း၊ ဒါပေမဲ့ စာချုပ်သက်တမ်းတိုးခဲ့တာက အဲဒါတခုကြောင့်တင် မဟုတ်ဘဲ အရာအားလုံးအတွက်ဖြစ်ကြောင်း နည်းပြ ဂွါဒီယိုလာက ပြောပါတယ်။

မန်စီးတီးအသင်းအနေနဲ့ ချန်ပီယံလိဂ်ဆုဖလားကို အနှေးနဲ့အမြန် ရယူနိုင်မယ်ဆိုတဲ့ ခံစားမှုရှိပြီး အစွမ်းကုန် ဆက်ပြီး ကြိုးပမ်သွားမယ်လို့ နည်းပြ ဂွါဒီယိုလာက ပြောသွားပါတယ်။