ရုရှားနဲ့ ယူကရိန်းတို့က ဖမ်းထားတဲ့ စစ်သား ၂၀၀ ကျော်ကို ဒီဇင်ဘာ ၃၁ ရက်က လွှတ်ပေးခဲ့ပြီး ဒါဟာ ၁၀ လကြာ ပဋိပက္ခအတွင်း နှစ်ဘက်ကြား နောက်ဆုံးအကျဉ်းသား လဲလှယ်တာလည်း ဖြစ်ပါတယ်။

ယူကရိန်း တပ်ဖွဲ့ဝင် ၈၂ ဦးကို ရုရှားက ပြန်လွှတ်ပေးခဲ့တယ်လို့ ရုရှားကာကွယ်ရေးဝန်ကြီးဌာနက ပြောခဲ့ပြီး ယူကရိန်း တပ်ဖွဲ့ဝင် ၁၄၀ ကို ရုရှားက လွှဲပြောင်းပေးခဲ့တယ်လို့ ယူကရိန်းသမ္မတရဲ့ စစ်ဦးစီးချုပ် အန်ဒရီ ယာမတ်ခ်က ပြောခဲ့ပါတယ်။

လွတ်လာတဲ့ ယူကရိန်း အမျိုးသား ၁၃၂ ဦးနဲ့ အမျိုးသမီး ၈ ဦးထဲက တချို့ဟာ ဒဏ်ရာ ရထားပြီး သူတို့ဟာ ပင်လယ်နက်ဆိပ်ကမ်းမြို့ မာရီအူပယ်နဲ့ မြွေကျွန်းတို့မှာ ခုခံကာကွယ်ဖို့ တိုက်ပွဲ ဝင်ခဲ့ကြတယ်လို့ ယာမတ်ခ်က သူ့ရဲ့ တယ်လီဂရမ် စာမျက်နှာမှာ ရေးသားထားပါတယ်။ 

ရုရှားနဲ့ ယူကရိန်းအစိုးရတို့ကြား ပိုကျယ်ပြန့်တဲ့ သံတမန်ရေးရာ ဆွေးနွေးပွဲတွေ အပြီးအပြတ် ပျက်ပြားသွားပေမဲ့ မကြာသေးမီလတွေအတွင်း ဖမ်းမိထားတဲ့ ရာနှင့်ချီတဲ့ စစ်သားတွေကို အပြန်အလှန် လဲလှယ်ခဲ့ကြပါတယ်။