အဲဗာတန်ဆီပြောင်းရွှေ့ရန် သဘောတူညီခဲ့သည့် ဒမ်ဂျူးမားကို စပါးအသင်း ကြားဖြတ်ခေါ်ယူ
အဲဗာတန်အသင်းဆီ ပြောင်းရွှေ့ဖို့ သဘောတူညီမှုရရှိခဲ့တဲ့ ဗီလာရီးရဲလ်တိုက်စစ်မှူး ဒမ်ဂျူးမားကို စပါးအသင်းက ကြားဖြတ်ခေါ်ယူသွားပါတယ်။
ဒမ်ဂျူးမားဟာ အဲဗာတန်အသင်းဆီ ပြောင်းရွှေ့ဖို့ ဆေးစစ်မှုတွေ လုပ်ဆောင်ပြီးဖြစ်ပေမဲ့ နည်းပြလမ်းပတ် ထုတ်ပယ်ခံခဲ့ရပြီးနောက်မှာ စပါးအသင်းက ကြားဖြတ်ခေါ်ယူဖို့ လုပ်ဆောင်ခဲ့တာပါ။
လက်ရှိအချိန်မှာတော့ အဲဗာတန်အသင်းနဲ့ အပြောင်းအရွှေ့ ပျက်ပြယ်သွားခဲ့ပြီဖြစ်ကာ စပါးအသင်းဆီ ပြောင်းရွှေ့ဖို့ သဘောတူညီမှု ရရှိခဲ့တယ်လို့ အပြောင်းအရွှေ့ကျွမ်းကျင်သူ ဖာဘရီဇီယိုရိုမန်နိုက အတည်ပြုခဲ့ပါတယ်။
စပါးအသင်းဟာ ဟော်လန်တိုက်စစ်ကစားသမား ဒမ်ဂျူးမားရဲ့ လုပ်ခလစာကို အပြည့်အဝ ပေးချေမှာဖြစ်ပြီး ရာသီကုန်အထိ အငှားစာချုပ်နဲ့ ခေါ်ယူနိုင်ခဲ့တာ ဖြစ်ပါတယ်။
အသက် ၂၅ နှစ်ရှိ ဒမ်ဂျူးမားဟာ ဘုန်းမောက်အသင်းမှာ တရာသီကစားခဲ့ပြီး ၂၀၂၁ ခုနှစ်က စပိန်ကလပ် ဗီလာရီးရဲလ်အသင်းဆီ ပြောင်းရွှေ့ခဲ့တာ ဖြစ်ပါတယ်။
