ပြင်သစ်လက်ရွေးစင်အသင်းကနေ အနားယူကြောင်း နောက်ခံလူ ရာဖေးလ်ဗာရန်းက တရားဝင် ကြေညာသွားပါတယ်။

မန်ယူနောက်ခံလူဟာ အသက် ၂၉ နှစ်ပဲရှိသေးပေမယ့် နိုင်ငံအသင်းကနေ အနားယူဖို့ ဆုံးဖြတ်ခဲ့တာပါ။

ပြီးခဲ့တဲ့လပိုင်းတွေကတည်းက အနားယူဖို့အတွက် ချင့်ချိန်စဉ်းစားခဲ့ပြီး ဒီအချိန်ဟာ လက်ရွေးစင်အသင်းကနေ အနားယူဖို့ အချိန်ကောင်းဖြစ်ကြောင်း၊ ပြင်သစ်အသင်းရဲ့ အပြာရောင်ဂျာစီကို ဝတ်ဆင်ခွင့်ရခဲ့တာက အလွန်ဂုဏ်ယူစရာကောင်းပြီး ၂၀၁၈ ကမ္ဘာ့ဖလားချန်ပီယံ ဆုဖလားရယူနိုင်ခဲ့တာဟာ ဘယ်တော့မှမေ့လို့မရနိုင်တဲ့ အောင်မြင်မှုဖြစ်ကြောင်း ဗာရန်းက ပြောပါတယ်။

ဗာရန်ရဲ့ အနားယူဖို့ ဆုံးဖြတ်ချက်အပေါ် လေးစားမှုရှိရမှာဖြစ်ပြီး  ဗာရန်းဟာပွဲစဉ်တိုင်းမှာ ခေါင်းဆောင်တစ်ဦးရဲ့ စိတ်ဓာတ်နဲ့ယှဉ်ပြိုင်ကစားခဲ့တာဖြစ်ကြောင်း ပြင်သစ်နည်းပြ ဒတ်ရွန့်စ်က မှတ်ချက်ပေးခဲ့ပါတယ်။

ဗာရန်းဟာ ၂၀၁၂ ခုနှစ်ကတည်းက ပြင်သစ်အသင်းမှာ စတင်ရွေးချယ်ခံခဲ့ရပြီး ပြီးခဲ့တဲ့ကမ္ဘာ့ဖလားပြိုင်ပွဲအထိစုစုပေါင်း ၉၃ ပွဲကစားပြီး ၅ ဂိုးသွင်းယူခဲ့ပါတယ်။