ပရီးမီးယားလိဂ်နဲ့ တခြားထိပ်တန်းလိဂ်တွေကြားမှာ ဘဏ္ဍာရေးကွာဟချက်အလွန်ကြီးမားကြောင်း အေစီမီလန်နည်းပြ ပီအိုလီကပြောပါတယ်။ အေစီမီလန်အသင်းဟာ ချန်ပီယံလိဂ်ရှုံးထွက်အဆင့်မှာ စပါးအသင်းနဲ့ ရင်ဆိုင်ရမှာဖြစ်ပြီး အဲဒီပွဲမတိုင်ခင် သတင်းစာရှင်းလင်းပွဲမှာ ပရီးမီးယားလိဂ် အသင်း တွေနဲ့ ပတ်သက်ပြီး ဘဏ္ဍာရေးအင်အားတောင့်တင်းကြောင်း ပြောခဲ့တာပါ။ 

ကွင်းတွင်းအကြောင်း အရာကိုပဲ အာရုံစိုက်ချင်ပေမယ့်လည်း ကွင်းပြင်ပက ငွေကြေးသုံးစွဲမှုတွေမှာ ပရီးမီးယားလိဂ်က ဥရောပထိပ်တန်းလိဂ်တွေထက် များစွာသာလွန်နေကြောင်း အေစီမီလန်နည်းပြ ပီအိုလီက သုံးသပ်ခဲ့တာပါ။

ပြီးခဲ့တဲ့ ဇန်နဝါရီ အပြောင်းအရွှေ့မှာ ပရီးမီးယားလိဂ်ကလပ်တွေက စုစုပေါင်း ပေါင် ၈၁၅ သန်းအသုံးပြုခဲ့ပြီး ဒီပမာဏဟာ စပိန်၊ အီတလီ၊ ဂျာမနီနဲ့ ပြင်သစ်လိဂ်တွေကစုစုပေါင်း ငွေကြေးသုံးစွဲမှုထက် လေးဆလောက် များပြားခဲ့တာဖြစ်ပါတယ်။