အာဆင်နယ်တောင်ပံကစားသမား ဆာကာဟာ စာချုပ်သစ်အရ တစ်နှစ်ကို လုပ်ခလစာ ပေါင် ၁၀ သန်း ကျော်ရရှိမယ်လို့သိရပါတယ်။

ဆာကာဟာ အာဆင်နယ်နဲ့ စာချုပ်သက်တမ်း ၁၂ လသာ ကျန်ရှိတော့တာကြောင့် စာချုပ်သစ်ချုပ်ဆိုဖို့ ဆွေးနွေးနေတာပါ။

အာဆင်နယ်ဘက်က ကမ်းလှမ်းတဲ့ စာချုပ်သစ်မှာ တစ်ပတ်လုပ်ခပေါင် နှစ်သိန်းအထိရရှိနိုင်ပြီး တစ်နှစ်လုပ်ခအနေနဲ့ ပေါင် ၁၀ သန်း ကျော် ရရှိနိုင်မှာဖြစ်ပါတယ်။

ဒါ့အပြင် ဆုကြေးတွေပါ ထည့်တွက်မယ်ဆိုရင် အသင်းရဲ့ လုပ်ခအများဆုံး ကစားသမားစာရင်း ဝင်နိုင်ကြောင်း ဒေးလီးမေးလ်သတင်းမှာ သုံးသပ်ရေးသားထားပါတယ်။

အသက် ၂၁ နှစ်ရှိ အင်္ဂလန်တိုက်စစ်ကစားသမားဟာ  ၂၀၁၈ ခုနှစ်ကတည်းက အသင်းကြီးမှာ စတင်ပွဲထွက်ခွင့် ရရှိခဲ့ပြီး လက်ရှိအချိန်အထိ စုစုပေါင်း ၁၆၂ ပွဲမှာ ၃၃ ဂိုးသွင်းယူပေးထားပါတယ်။