ဆော်ဒီလိဂ်ကလပ် အယ်နာဆာအသင်းဟာ ရော်နယ်ဒိုရဲ့ ဟက်ထရစ်သွင်းဂိုးနဲ့ ပြိုင်ဘက် ဒါမက်အသင်းကို အနိုင်ရသွားပါတယ်။ 

ဖေဖော်ဝါရီ ၂၅ ရက်က ယှဉ်ပြိုင်သွားတဲ့ ဆော်ဒီပရိုလိဂ်ပွဲစဉ်မှာ ရော်နယ်ဒို တစ်ယောက်တည်းရဲ့ သွင်းဂိုးတွေနဲ့ အနိုင်ရသွားတာပါ။ 

ပထမဂိုးကို ပင်နယ်တီက သွင်းယူပြီး ဒုတိယဂိုးနဲ့ တတိယဂိုးတွေကို အသင်းဖော်တွေရဲ့ ဖန်တီး ပေးပို့မှုကနေ သွင်းယူခဲ့ပါတယ်။ 

ဆော်ဒီပရိုလိဂ် အယ်နာဆာအသင်းကို ရောက်လာပြီး ကစားတဲ့ ၄ ပွဲမှာ ၈ ဂိုး အထိ ရော်နယ်ဒို သွင်းယူထားပါတယ်။ 

ဒီပွဲမှာ ရတဲ့ ဟက်ထရစ်ဂိုးဟာ ရော်နယ်ဒိုရဲ့ ကစားသမား သက်တမ်းမှာ ၆၂ ကြိမ်မြောက်ရတဲ့ ဟက်ထရစ်လည်း ဖြစ်ပါတယ်။

အယ်နာဆာအသင်းဟာ ဆော်ဒီပရိုလိဂ် အမှတ်ပေးဇယားမှာ ၄၃ မှတ်နဲ့ ဦးဆောင်နေပြီး ဒုတိယ နေရာက အသင်းကို ၂ မှတ်ဖြတ်ထားနိုင်လိုက်ပါတယ်။