ပြင်သစ်ဘောလုံးအဖွဲ့ချုပ်ဥက္ကဋ္ဌ နိုအဲလီဂရတ်ဟာ လိင်ပိုင်းဆိုင်ရာ နှောင့်ယှက်မှုနဲ့ စွပ်စွဲခံရပြီးနောက် ရာထူးကနေ နုတ်ထွက်သွားခဲ့ပါတယ်။

သူဟာ အသက် ၃၇ နှစ်ရှိ အားကစားအေးဂျင့်ဖြစ်သူ ဆိုနီယာဆူအတ်ဒ်ကို လိင်ပိုင်းဆိုင်ရာ နှောင့်ယှက်ခဲ့ကြောင်း စွပ်စွဲခံနေရတာပါ။

ဥက္ကဋ္ဌ နိုအဲလီဂရတ်ဟာ မက်ဆင်ဂျာနဲ့ Voicemail တွေကနေတဆင့် ညနေတိုင်းမှာ အရက်အတူသောက်ဖို့ အမြဲတမ်းဖိတ်ခေါ်ခဲ့သလို တခြား မတော်မတရား ပြုကျင့်မှုတွေကို ၂၀၁၃ ခုနှစ်ကနေ ၂၀၁၇ ခုနှစ်အတွင်းမှာ ကျူးလွန်ခဲ့တယ်လို့ အားကစားအေးဂျင့်မယ် ဆိုနီယာကိုယ်တိုင် ထုတ်ဖော်ပြောခဲ့တာပါ။

အဲဒီကိစ္စနဲ့ပတ်သက်လို့ ဥက္ကဋ္ဌရာထူးကနေ ခေတ္တဆိုင်းငံ့ခံခဲ့ရပြီးနောက် လက်ရှိအချိန်မှာတော့ ရာထူးကနေ နုတ်ထွက်သွားခဲ့တာပါ။

သူ့နေရာမှာ ဒုတိယဥက္ကဋ္ဌက ၂၀၂၃ ခုနှစ် ဇွန်လ ၁၀ ရက်အထိ ယာယီတာဝန်ယူမှာဖြစ်ပြီး နောက်ထပ်ညီလာခံတခု ကျင်းပချိန်ရောက်မှ ဥက္ကဋ္ဌသစ်တဦး ခန့်အပ်မယ်လို့ ပြင်သစ်ဘောလုံးအဖွဲ့ချုပ်က ထုတ်ပြန်ပါတယ်။

အသက် ၈၁ နှစ်ပြီဖြစ်တဲ့ နိုအဲလီဂရတ်ဟာ ဥက္ကဋ္ဌရာထူးကို ၁၂ နှစ်ကြာ တာဝန်ယူခဲ့သူ ဖြစ်ပါတယ်။