အင်ဒိုနီးရှားနိုင်ငံ၊ ဝေးလံခေါင်သီတဲ့ နာတူနာဒေသရှိ ဆီရာဆန်ကျွန်းမှာ လူ ၁၅ ဦး သေဆုံးခဲ့တဲ့ မြေပြိုမှုဖြစ်ပွားအပြီး မတ်လ ၇ ရက်က ကယ်ဆယ်ရေးသမားတွေဟာ ပျောက်ဆုံးနေဆဲဖြစ်တဲ့ နောက်ထပ် ၄၂ ဦးကို ဆက်လက်ရှာဖွေဖို့ကြိုးစားနေပါတယ်။

ဘော်နီယိုကျွန်းနဲ့ ကီလိုမီတာ ၈၀ လောက်အကွာက နာတူနာဒေသ ဆီရာဆန်ကျွန်းရှိ ရွာတရွာမှာ မတ်လ ၆ ရက်က မိုးသည်းထန်စွာ ရွာသွန်းခဲ့ပြီး နေအိမ်တွေ ရေနစ်မြုပ်ခဲ့အပြီးမှာ မြေပြိုမှု ဖြစ်ခဲ့တာပါ။

မြေပြိုမှုဟာ မီတာ ၁၀၀ မှ ၂၀၀ အတွင်း ရှည်လျားတယ်လို့ ခန့်မှန်းရကြောင်း သဘာဝဘေးအန္တရာယ်အေဂျင်စီမှ ပြောရေးဆိုခွင့်ရှိသူ အဗ္ဗဒူလ် မူဟာရီက ပြောပါတယ်။

ကယ်ဆယ်ရေးလုပ်ငန်းတွေကို ဆောင်ရွက်ရာမှာ ကူညီဖို့ စစ်တပ်ကို တာဝန်ချထားပြီး ထုတ်ယူတဲ့ စက်ကိရိယာတွေနဲ့ မီးအလင်းရောင်ဆိုင်ရာ ကိရိယာတွေ အပါအဝင် စက်ပစ္စည်းတချို့ကို ပေးပို့ထားကြောင်းလည်း နာတူနာဒေသရဲ့ ကယ်ဆယ်ရေးအေဂျင်စီ အကြီးအကဲက ပြောပါတယ်။