ဒေါ့မွန်ကွင်းလယ်လူ ဘယ်လင်ဂမ်ကိုခေါ်ယူဖို့ ကြိုးပမ်းမယ့် အသင်းတွေထဲမှာ မန်ယူအသင်းလည်း ပါဝင်လာခဲ့တယ်လို့သိရပါတယ်။

အင်္ဂလန်လက်ရွေးစင်ကွင်းလယ်လူကို ရီးရဲလ်မက်ဒရစ်နဲ့ လီဗာပူးအသင်းတို့ကလည်းခေါ်ယူဖို့ ချိတ်ဆက်ခဲ့ဖူးပေမဲ့ အမှန်တကယ်ဖြစ်မြောက်လာခြင်းမရှိသေးတာပါ။

ဒီအခြေအနေမှာ မန်ယူအသင်းဘက်ကလည်း ဘယ်လင်ဂမ်ရဲ့ ခြေစွမ်းကို နှစ်သက်သဘောကျနေပြီး မက်ဒရစ်နဲ့ လီဗာပူးတို့နဲ့ အပြိုင်ခေါ်ယူဖို့ ကြိုးပမ်းသွားမယ်လို့ တယ်လီဂရပ်ဖ်သတင်းမှာဖော်ပြသွား ပါတယ်။

ဘယ်လင်ဂမ်ရဲ့ ပြောင်းရွှေ့ကြေးဟာ ပေါင်သန်း ၁၁၀ ခန့်ရှိနေပြီး ပရီးမီးယားလိဂ်ဆီကို ပြောင်းရွှေ့လာမယ့်ဆိုရင် ဗြိတိန်စံချိန်တင်ပြောင်းရွှေ့ကြေးဖြစ်သွားမှာပါ။ ဘယ်လင်ဂမ်အနေနဲ့ ပရီးမီးယားလိဂ်ဆီပြန်လာမယ်ဆိုရင် ချန်ပီယံလိဂ်ပြိုင်ပွဲကစားရမယ့် အသင်းကိုပဲရွေးချယ်သွားဖို့ ရှိ တယ်လို့သိရပါတယ်။