အိန္ဒိယနိုင်ငံမြောက်ပိုင်းက အအေးခန်း အာလူးသိုလှောင်ရုံ အဆောက်အဦတခုရဲ့ အမိုးပြိုကျခဲ့တာကြောင့် အနည်းဆုံးလူ ၈ ဦး သေဆုံးခဲ့တယ်လို့ မတ်လ ၁၇ ရက်မှာ ရဲတပ်ဖွဲ့က ပြောပါတယ်။

ဒီမတော်တဆမှုဖြစ်ရပ်ဟာ အူတာပရာဒေ့ရှ်ပြည်နယ် ဆမ်ဟယ်မြို့က ချန်ဒေါ်စီအရပ်မှာ မတ်လ ၁၆ ရက်က ဖြစ်ခဲ့တာပါ။

အခင်းဖြစ်နေရာမှာ ရှာဖွေရေးနဲ့ ကယ်ဆယ်ရေး လုပ်ငန်းစဉ်တွေ လုပ်ဆောင်နိုင်ဖို့အတွက် နိုင်ငံနဲ့ ပြည်နယ်အဆင့်က အရေးပေါ်ဝန်ဆောင်မှုပေးရေးအဖွဲ့တွေကို နေရာချထားတယ်လို့လည်း သိရပါတယ်။

ကယ်ဆယ်ရေးသမားတွေနဲ့ တူးဖော်သူတွေဟာ အသက်ရှင်ကျန်ရစ်သူတွေနဲ့ ရုပ်အလောင်းတွေကို ရှာဖွေနိုင်ဖို့အတွက် အာလူးပုံကြီးကို ဖယ်ရှားနေစဉ်မှာပဲ ရဲတပ်ဖွဲ့ကလည်း အခင်းဖြစ်ပွားရာမှာ ရှိနေခဲ့ပါတယ်။

အထူးသဖြင့် မုတ်သုံမိုးဥတုကာလအတွင်း ဒီလို အဆောက်အဦပြိုကျမှုတွေဟာ အိန္ဒိယနိုင်ငံမှာ အဖြစ်များလေ့ ရှိပါတယ်။