ဟောင်ကောင်မှာ မတ်လ ၂၃ ရက် ပြသမယ့် Winnie the Pooh: Blood and Honey ဇာတ်ကားကို အကြောင်းပြချက်မရှိ ဖျက်သိမ်းလိုက်ကြောင်း ရုပ်ရှင်ဖြန့်ချိသူက မတ်လ ၂၁ ရက်မှာ ကြေညာခဲ့ပါတယ်။

Vll Pillars Entertainment က ရုပ်ရှင်ပြသဖို့ ဖျက်သိမ်းလိုက်ရတဲ့အတွက် အလွန်ဝမ်းနည်းမိကြောင်း သူ့ရဲ့ ဖေ့စ်ဘွတ်ခ်စာမျက်နှာမှာ ရေးသားထားပြီး နောက်ထပ် သတင်းအချက်အလက်တွေကိုတော့ ပြောကြားထားခြင်း မရှိပါဘူး။

၂၀၁၃ ခုနှစ်က တရုတ်သမ္မတ ရှီကျင့်ဖျင် အမေရိကန်ကို အလည်အပတ်ရောက်ရှိတဲ့အချိန် အမေရိကန်သမ္မတဟောင်း ဘားရက်အိုဘားမားနဲ့ တွေ့ဆုံစဉ် Pooh နဲ့ Tigger တို့နဲ့ ပုံပန်းသဏ္ဌာန် နှိုင်းယှဉ်မှုတွေ အွန်လိုင်းမှာ စတင်ခဲ့တာဖြစ်ပါတယ်။

အင်္ဂလိပ်စာရေးဆရာ AA Milne က စိတ်ကူးပုံဖော်ထားတဲ့ ဒီရုပ်ရှင်ရဲ့ အဓိကဇာတ်ကောင် Pooh ဝက်ဝံကို သမ္မတရှီနဲ့ နှိုင်းယှဉ်ထားတဲ့ Memes ကြောင့် တရုတ်ဆင်ဆာတွေက ဒီရုပ်ရှင်ကို ပစ်မှတ်ထားနေတာ ဖြစ်ပါတယ်။

ဟောင်ကောင်က ရုပ်ရှင်ရုံတွေရဲ့ စီမံခန့်ခွဲမှုတွေက သက်ဆိုင်ရာ ရုပ်ရှင်ရုံတွေရဲ့ စီးပွားရေးဆိုင်ရာ ဆုံးဖြတ်ချက်တွေဖြစ်ပြီး ရုပ်ရှင်သတင်းစာနဲ့ ဆောင်းပါး စီမံခန့်ခွဲရေးရုံး (OFNAA) က အခုလိုစီမံမှုနဲ့ ပတ်သက်ပြီး ဘာမှတ်ချက်မှ ပြုမှာမဟုတ်ဘူးလို့ ပြောရေးဆိုခွင့်ရှိသူက ပြောပါတယ်။

အမေရိကန်နိုင်ငံမှာ ဖေဖော်ဝါရီ ၁၅ ရက်က ရုံတင်ပြသခဲ့တဲ့ Winnie the Pooh: Blood and Honey ရုပ်ရှင်မှာ Winnie နဲ့ Piglet ကာတွန်းဇာတ်ကောင်လေးတွေကို သွေးသံရဲရဲ ကြောက်စရာဇာတ်ကောင်အဖြစ် ဖန်တီးခဲ့တာကြောင့် ဒါရိုက်တာ ရိစ်ဝါတာဖီးလ်ဟာ အသက်အန္တရာယ်ထိ ခြိမ်းခြောက်ခံခဲ့ရပါတယ်။ 

မြို့တော်ရဲ့ ဆင်ဆာဥပဒေဟာ နိုင်ငံတော်လုံခြုံရေးကို အန္တရာယ်ဖြစ်စေတဲ့ ကြော်ငြာ၊ အကြီးအကျယ် ဂုဏ်တင်တာ၊ ထောက်ခံတာနဲ့ အားပေးလှုပ်ရှားမှုတွေကို လှုံ့ဆော်ပေးတဲ့ ရုပ်ရှင်တွေကို ပြသ‌ဖို့ တားမြစ်ထားပါတယ်။

ဗြိတိသျှကိုလိုနီခေတ်ဟောင်းရှိ ဆင်ဆာဥ‌ပဒေအသစ်ဟာ ၂၀၂၁ ခုနှစ်မှာ စတင်အသက်ဝင်ခဲ့ပြီး တချို့ဇာတ်ကားတွေကို တရုတ်အထူးအုပ်ချုပ်ရေးဒေသတွေမှာ မပြသဖို့ တားမြစ်ထားပါတယ်။

ဟောင်ကောင်မှာ အစိုးရဆန့်ကျင်‌ရေး ဆန္ဒပြမှုတွေ လှုပ်ခတ်သွားပြီးတဲ့နောက် ပေကျင်းမြို့ဟာ ၂၀၂၀ ခုနှစ်မှာ အမျိုးသားလုံခြုံရေးဥပဒေတရပ်ကို ချမှတ်ခဲ့ပြီး အဆိုပါဥ‌ပဒေမှာ အဖျက်အမှောင့်၊ ခွဲထွက်ခြင်း၊ ပြည်ပတပ်ဖွဲ့များနဲ့ ပူးပေါင်းဆောင်ရွက်ခြင်း၊ အကြမ်းဖက်ဝါဒလို့ ယူဆရတဲ့ အရာတွေအတွက် ပြစ်ဒဏ်တွေ ချမှတ်ထားပါတယ်။

မနှစ်က ဟောင်ကောင်ရဲ့ နိုင်ငံတကာ ရုပ်ရှင်ပွဲတော်က ရုပ်ရှင်နှစ်ကားကို အာဏာပိုင်တွေရဲ့ ခွင့်ပြုချက်မရတဲ့အတွက် ဖျက်သိမ်းခဲ့ရပြီး ဟောင်ကောင်မြို့ကို တက်ကြွတဲ့ ယဉ်ကျေးမှု ဗဟိုချက်အနေနဲ့ မြှင့်တင်ဖို့ အာဏာပိုင်တွေက စိတ်အားထက်သန်စွာ Art Basel ခေတ်ပြိုင် အနုပညာပြပွဲကို ဟောင်ကောင်မှာ ကျင်းပနေချိန် ဖျက်သိမ်းခံလိုက်ရတာ ဖြစ်ပါတယ်။