ပလေးဘွိုင်းမဂ္ဂဇင်းအတွက် ဓာတ်ပုံရိုက်ခံခဲ့သည့် ပြင်သစ်ဝန်ကြီး ရာထူးကထုတ်ပယ်ခံရ
ပြင်သစ်အငယ်တန်းလူမှုရေးဝန်ကြီး မာလင်းရှက်ပါဟာ ပလေးဘွိုင်းမဂ္ဂဇင်း အရှေ့မျက်နှာဖုံး အတွက် ဓာတ်ပုံရိုက်ခံခဲ့လို့ ရာထူးကနေ ထုတ်ပယ်ခံခဲ့ရပါတယ်။
အငြင်းပွားဖွယ် ပလေးဘွိုင်းမဂ္ဂဇင်း မျက်နှာဖုံးပုံသာမက ၁၂ မျက်နှာပါ လူတွေ့ မေးမြန်းခန်းတခုနဲ့အတူ အမျိုးသမီးတွေနဲ့ ကျားမကွဲပြားမှုအပေါ် ခံယူချက်ကွဲလွဲသူ LGBT တွေရဲ့ အခွင့်အရေးတွေအကြောင်း ရှက်ပါက ပြောဆိုခဲ့တာပါ။
“အမျိုးသမီးတွေရဲ့ ခန္ဓာကိုယ်ကို ထိန်းချုပ်နိုင်ခွင့်ကို ခုခံကာကွယ်တာက နေရာတိုင်းနဲ့ အချိန်တိုင်းပါပဲ။ ပြင်သစ်မှာ အမျိုးသမီးတွေဟာ လွတ်လပ်ပါတယ်။ နှောင့်ယှက်သူတွေနဲ့ ကြောင်သူတော်တွေကို လေးစားမှုနဲ့ပေါ့” လို့ ရှက်ပါက တွစ်တာမှာပြောပါတယ်။
၂၀၂၂ သမ္မတရွေးကောက်ပွဲမှာ တတိယနေရာကို ရောက်လာခဲ့တဲ့ လက်ဝဲစွန်း အတိုက်အခံပါတီ လာဖွန့်စ် အန်ဇူမီရဲ့ ခေါင်းဆောင် ယွန်လုခ်စ် မီလိုစွန်ကတော့ ရှက်ပါရဲ့ ပလေးဘွိုင်းမျက်နှာဖုံးနဲ့ သမ္မတ အီမန်နျူရယ်မက်ခရွန်ရဲ့ ဂစ်ဖ်ဂတ်ဂျက်ကလေးမဂ္ဂဇင်းအတွက် လူတွေ့ မေးမြန်းခန်းတွေကို တုံ့ပြန်တဲ့အနေနဲ့ ပြင်သစ်နိုင်ငံဟာ လက်မခံနိုင်တဲ့ လမ်းကြောင်းပေါ်မှာ ထိန်းမရ စဖြစ်လာနေပြီလို့ တွစ်တာ လူမှုကွန်ရက်ပေါ်မှာ ပြောခဲ့ပါတယ်။
ဝန်ကြီးပုံပါတဲ့ ပလေးဘွိုင်းမဂ္ဂဇင်းကို ဧပြီ ၈ ရက်က စပြီး ဝယ်နိုင်ပြီလို့ လယ်ပါရီစီယံ ပြင်သစ်သတင်းစာက ပြောခဲ့ပါတယ်။
နိုင်ငံအတွင်း လူမှုရေးမငြိမ်မသက်ဖြစ်နေချိန်အတွင်း ဒီဖြစ်ရပ်ဟာ အစိုးရအနေနဲ့ လုံးဝသင့်လျော်မှုမရှိဘူးလို့ ပြင်သစ်ဝန်ကြီးချုပ် အဲလိဇဘက်ဘုန်းက ပြောပါတယ်။
ပြင်သစ်အစိုးရဟာ အငြိမ်းစား ပင်စင်လစာစနစ် ပြုပြင်ပြောင်းလဲမှုတွေနဲ့ ပတ်သက်ပြီး ကန့်ကွက်ဆန္ဒပြမှုတွေနဲ့ အကြီးအကျယ် ရင်ဆိုင်နေရပါတယ်။
