ရာသီအကုန်မှာ အာဆင်နယ်အသင်းကို ကျော်ဖြတ်ပြီး မန်စီးတီးအသင်းက ချန်ပီယံဖြစ်သွားလိမ့် မယ်လို့ မန်ယူဂန္ထဝင်ကစားသမား ရွိုင်ကိန်းက သုံးသပ်ပါတယ်။ 

လက်ကျန် ၉ ပွဲအလိုမှာ အာဆင်နယ်က တစ်ပွဲပိုကစားပြီး မန်စီးတီးထက် ၈ မှတ် အသာရနေပေမဲ့ ရာသီကုန်ဆုံးချိန်မှာ မန်စီးတီးကပဲ ချန်ပီယံ ဖြစ်သွားလိမ့်မယ်လို့  ဂယ်ရီနဗီးလ်ရဲ့ The Overlap ဆိုတဲ့ သုံးသပ်ချက်အစီအစဉ်မှာ သုံးသပ်ခဲ့တာပါ။

လက်ရှိအချိန်မှာ အာဆင်နယ်အသင်းရဲ့ အဆင့်ရပ်တည်မှုက ရာသီအစတုန်းက ခန့်မှန်ထားသလို မဟုတ်ကြောင်း၊ လူငယ်ကစားသမားတွေမှာ ခြေစွမ်းတည်ငြိမ်စွာနဲ့ စွမ်းဆောင်ပြနေပြီး လိဂ်ပြိုင်ပွဲ တစ်ခုတည်းကိုလည်း အာရုံစိုက်နိုင်ခဲ့ကြောင်း ရွိုင်ကိန်းက ပြောပါတယ်။

ချန်ပီယံဖြစ်ဖို့ ရေးပန်းအစားဆုံးအသင်းလည်း ဖြစ်နေပေမဲ့ လက်ကျန်ပွဲစဉ်တွေမှာ အာဆင်နယ် ကစားသမားတွေ ဖိအားများပြီး အမှတ်လျော့နိုင်ကြောင်း၊ အာဆင်နယ်အသင်းသားတွေဟာ ဖိအားတွေနဲ့ ရင်ဆိုင်ရတာမျိုး မတွေ့ကြုံခဲ့ဖူးတာကြောင့် မန်စီးတီးကပဲ ချန်ပီယံဖြစ်သွားလိမ့်မယ်လို့ ထင်ကြောင်း ရွိုင်ကိန်းက ပြောသွားခဲ့ပါတယ်။