close

ရက်ရှ်ဖို့ဒ်ပါဝင်နိုင်ရင်လည်း အပြောင်းအလဲတခုခုလုပ်ရန် မရှိကြောင်း ဆီဗီလာနည်းပြ ပြော

မန်ယူတိုက်စစ်မှူးရက်ရှ်ဖို့ဒ် ပွဲထွက်ပါဝင်နိုင်ရင်လည်း အပြောင်းအလဲတခုခု လုပ်ရန်မရှိကြောင်း ဆီဗီလာနည်းပြ လူးဝစ်မန်ဒီလီဘာက ပြောပါတယ်။

ရက်ရှ်ဖို့ဒ်ဟာ ဆီဗီလာနဲ့ ပထမအကျော့ပွဲစဉ်ကို ဒဏ်ရာကြောင့် လွဲချော်ခဲ့ပြီး ဒုတိယအကျော့ပွဲစဉ်အတွက် မန်ယူလူစာရင်းမှာ ပါဝင်လာခဲ့တာပါ။

ဆီဗီလာနည်းပြ မန်ဒီလီဘာကတော့ ရက်ရှ်ဖို့ဒ် ပါဝင်သည်ဖြစ်စေ၊ မပါဝင်သည်ဖြစ်စေ ဘာတခုမှ အပြောင်းအလဲလုပ်ဖို့မရှိဘဲ မူလစီစဉ်ထားတဲ့ ကစားကွက်နဲ့ နည်းဗျူဟာအတိုင်းသာ ယှဉ်ပြိုင်ကစားမှာဖြစ်ကြောင်း ပွဲကြိုသတင်းစာရှင်းလင်းပွဲမှာ ပြောပါတယ်။

ရက်ရှ်ဖို့ဒ်က အကောင်းဆုံးကစားသမားတဦးဖြစ်ပြီး ပြိုင်ဘက်အသင်းကို လေးစားမှုထားကြောင်း၊ ဒါပေမဲ့ တဦးတယောက်ချင်းကို အာရုံစိုက်ကစားဖို့တော့မရှိကြောင်း ဆီဗီလာနည်းပြက ပြောပါတယ်။

ခက်ခဲတဲ့ပွဲစဉ်ဖြစ်လာမှာဖြစ်ပြီး အနိုင်ရဖို့ ၅၀-၅၀ ဆတူအခွင့်အရေးရှိကြောင်းလည်း နည်းပြ မန်ဒီလီဘာက ပြောသွားပါတယ်။

Up