ဘူလ်ဂေးရီးယားနိုင်ငံရဲ့ အစိုးရရှေ့နေချုပ် အီဗန် ဂေရှဗ်ဟာ ပြီးခဲ့တဲ့ညက လုပ်ကြံသတ်ဖြတ်ခံရမှုကနေ လွတ်မြောက်ခဲ့ပြီးနောက် အစိုးရရှေ့နေတွေဟာ မေ ၂ ရက်မှာ သူ့ဘက်ကနေ ထောက်ခံဆန္ဒပြခဲ့ကြပါတယ်။

အနီရောင် တရားဝင် ရှေ့နေဝတ်စုံကို ဝတ်ဆင်ထားကြတဲ့ အစိုးရရှေ့နေတွေဟာ ဂေရှဗ်ကို ထောက်ခံတဲ့အနေနဲ့ ဆိုဖီယာတရားရုံးရဲ့ အပြင်ဘက်မှာ ရပ်နေကြပြီး တရားရေး အရာရှိတွေကို ပိုမိုအကာအကွယ်ပေးဖို့ တောင်းဆိုခဲ့ကြပါတယ်။

မေ ၁ ရက်က ရှေ့နေချုပ်  အီဗန် ဂေရှဗ် စီးနင်းလာတဲ့ ကားဟာ ကိုဗက်ချတ်စီ ကျေးရွာအနီး ဖြတ်သွားချိန်မှာ ကျည်ဆန်တွေ အပါအဝင် ဖောက်ခွဲရေးပစ္စည်းတွေ ပေါက်ကွဲခဲ့ကြောင်း တာဝန်ရှိသူတွေက ပြောပါတယ်။

ဂေရှဗ်ရဲ့ပြောရေးဆိုခွင့်ရှိသူ ဆီကာ မိုင်းလ်ဗာက တရားလိုရှေ့နေတွေကို အားနည်းစေဖို့ ရည်ရွယ်ချက်နဲ့ “စစ်ပွဲတပွဲ ဆင်နွှဲနေတာ” လို့ ပြောကြားခဲ့ပြီး ကာလကြာရှည် မကြုံစဘူး တိုက်ခိုက်မှုကို ခံခဲ့ရတယ်လို့ ပြောပါတယ်။

ယာယီပြည်ထဲရေးဝန်ကြီး အီဗန် ဒယ်မယ်ဇိုင်းယေ့ဗ်ကတော့ တာဝန်ရှိသူတွေအတွက် လုံခြုံရေးဆိုင်ရာ စည်းမျဉ်းတွေကို စစ်ဆေးမှာဖြစ်ပြီး တိုက်ခိုက်မှု ကျူးလွန်သူတွေကို ဖော်ထုတ်ဖို့ လုပ်ဆောင်နေကြောင်း ပြောဆိုပါတယ်။

သံသယဝင်ထားသူတွေရှိကြောင်း ဒယ်မယ်ဇိုင်းယေ့ဗ်က ပြောကြားပေမဲ့လည်း အသေးစိတ်ကို မပြောထားပါဘူး။