အိုလံပစ်နဲ့ ကမ္ဘာ့အပြေးချန်ပီယံဟောင်း တိုရီဘိုဝီဟာ အသက် ၃၂ နှစ်အရွယ်မှာ ကွယ်လွန်သွားပြီဖြစ်ကြောင်း သူ့ရဲ့ စီမံခန့်ခွဲမှုကုမ္ပဏီက မေလ ၃ ရက်မှာ အတည်ပြုပြောပါတယ်။

ဘိုဝီဟာ ဖလော်ရီဒါပြည်နယ် အော်လန်ဒိုမှာရှိတဲ့ သူရဲ့နေအိမ်မှာ သေဆုံးနေတာကို ဒေသခံရဲအရာရှိက တွေ့ရှိခဲ့ပြီး ရက်အတော်ကြာ အသံမကြား လူမတွေ့ရတဲ့ အသက် ၃၀ အရွယ် အမျိုးသမီးရဲ့ ကျန်းမာရေးစစ်ဆေးဖို့ သွားခဲ့ကြတာဖြစ်ပြီး အဆိုပါသေဆုံးမှုက သံသယဖြစ်စရာ မရှိပါဘူးလို့ ရဲဌာနက ဆိုပါတယ်။

အမေရိကန် ပြေးခုန်ပစ်အသင်းရဲ့ စီအီးအို မက် ဆေးဂဲလ်က“သုံးကြိမ်တိုင်တိုင် အိုလံပစ်ဆုတံဆိပ်နဲ့ နှစ်ကြိမ်မြောက် ကမ္ဘာ့ချန်ပီယံဆုရ တိုရီဘိုရီ ကွယ်လွန်သွားတဲ့အတွက် USATF က အလွန်ဝမ်းနည်းမိပါတယ်” လို့ ထုတ်ပြန်ချက်မှာ ဖော်ပြထားပါတယ်။

သူက အရည်အချင်းရှိတဲ့ အားကစားသမားတယောက်ဖြစ်ပြီး သူ့ရဲ့ အားကစားအပေါ် သက်ရောက်မှု တိုင်းတာလို့မရပါဘူး၊ သူ့ကို အရမ်းသတိရနေမှာပါလို့ ဆိုပါတယ်။

ဘိုဝီဟာ မစ္စစ္စပီမှာ မွေးဖွားကြီးပြင်းခဲ့ပြီး မီတာ ၁၀၀၊ မီတာ ၂၀၀ နဲ့ အလျားခုန်ပြိုင်ပွဲတွေမှာ ပြည်နယ်ဆုဖလားတွေ ဆွတ်ခူးနိုင်ခဲ့ပါတယ်။

“နေရာတိုင်းမှာ ပြေးနေတာပဲမှတ်မိတယ်။ ငယ်ငယ်က သစ်ပင်တွေလို ဘယ်သွားသွား ငါ တချိန်လုံး ပြေးခဲ့တယ်” လို့ ၂၀၁၇ ခုနှစ်က The Guardian ကို ပြောခဲ့ပါတယ်။