ချဲလ်ဆီးအသင်းကို တာဝန်ယူခဲ့တဲ့ ကာလအတွင်းမှာ သင်ခန်းစာယူစရာတွေ အများကြီး ရရှိခဲ့တယ်လို့ ပိုင်ရှင် တော့ဘိုလီက ပြောသွားပါတယ်။

တော့ဘိုလီဟာ ချဲလ်ဆီးအသင်းကို ရုရှားလူမျိုးပိုင်ရှင် အေဗရာမိုဗစ် လက်ထဲကနေ ဝယ်ယူခဲ့တာ ဖြစ်ပြီး ပထမဆုံးရာသီမှာပဲ ကစားသမားအပြောင်းအရွှေ့မှာ ပေါင်သန်း ၆၀၀ လောက် အသုံးပြုခဲ့တာပါ။

ပိုင်ရှင်သစ် တော့ဘိုလီလက်ထက်မှာ ငွေကြေးအသုံးပြုခဲ့သလောက် အောင်မြင်မှုမရခဲ့ဘဲ အမှတ်ပေးဇယား အဆင့် ၁၂ မှာ ရပ်တည်နေတာပါ။

အသင်းကို တည်ဆောက်ရာမှာ နည်းပြက ဦးဆောင်လမ်းပြသူဖြစ်တယ်ဆိုတဲ့ သင်ခန်းစာတွေ အများကြီး ရရှိခဲ့ကြောင်း၊ အသင်းပရိသတ်တွေဟာလည်း တောင်းဆိုမှုများပြီး ဆုဖလားတွေ ရယူနိုင်မယ်လို့ ယုံကြည်ကြောင်း၊ ရေရှည်အစီအစဉ်နဲ့ အသင်းကို တည်ဆောက်ထားတာ ဖြစ်ကြောင်း ပိုင်ရှင် တော့ဘိုလီက ပြောပါတယ်။

ချဲလ်ဆီးအသင်းအနေနဲ့ တချိန်မှာ အောင်မြင်မှုရရှိအောင် လုပ်ဆောင်နိုင်လိမ့်မယ်လို့လည်း ယုံကြည်ထားကြောင်း အသင်းပိုင်ရှင် တော့ဘိုလီက ပြောပါတယ်။