close

ရန်လိုနေသူများကို ရုရှားက အောင်နိုင်မည်ဟု မြောက်ကိုရီးယား ခေါင်းဆောင်ပြော

ရုရှားဟာ နယ်ချဲ့သမားတွေလို့ ဆိုထားတဲ့ ရန်လိုနေတဲ့ တပ်ဖွဲ့တွေအပေါ် အောင်နိုင်ပါလိမ့်မယ်လို့ မြောက်ကိုရီးယားခေါင်းဆောင် ကင်မ်ဂျုံအန်းက ပြောကြားကြောင်း နိုင်ငံပိုင်ရုပ်မြင်သံကြား KRT က သတင်းထုတ်ပါတယ်။

နိုင်ငံတကာ တရားမျှတမှုကို ဖော်ဆောင်ပြီး ကမ္ဘာလုံးဆိုင်ရာ ငြိမ်းချမ်းရေးကို ကာကွယ်ဖို့နဲ့ ဩဇာအာဏာ လက်တံရှည်သူတွေနဲ့ နယ်ချဲ့တွေရဲ့ မတရားပြုမူမှုတွေကနေ ကာကွယ်ဖို့အတွက် မြင့်မြတ်တဲ့စစ်ပွဲကို သတ္တိရှိရှိ ဆင်နွှဲနေတဲ့ သမ္မတ ဗလာဒီမာ ပူတင်၊ ရုရှားစစ်တပ်နဲ့ ရုရှားပြည်သူတွေကို နွေးထွေးတဲ့ နှုတ်ခွန်းဆက်စကား ပြောကြားချင်တယ်လို့ ကင်မ်ဂျုံအန်းက ပြောပါတယ်။

ရုရှားသမ္မတ ဗလာဒီမာပူတင်ထံ ပေးစာတစောင်မှာ ကင်မ်က ပြောကြားခဲ့ကြောင်း KRT သတင်းမှာ ဖော်ပြပါတယ်။

ဒီမှတ်ချက်စကားတွေဟာ ယူကရိန်းနဲ့ သူ့ကို ကျောထောက်နောက်ခံပေးထားတဲ့ အမေရိကန်လို အနောက်နိုင်ငံကို ရည်ရွယ်ကြောင်း ရှုမြင်ထားပါတယ်။

မြောက်ကိုရီးယားဟာ ကရင်မလင်နန်းတော်နဲ့ ပိုနီးကပ်တဲ့ ဆက်ဆံရေးကို တည်ဆောက်ခဲ့ပြီး မနှစ်က ယူကရိန်းကို ကျူးကျော်တိုက်ခိုက်ခဲ့တဲ့ မော်စကိုကို ကျောထောက်နောက်ခံ ပြုခဲ့ပါတယ်။

Up