ရန်ကုန်မြို့၊ ဒဂုံမြို့သစ် (မြောက်ပိုင်း) မြို့နယ်ရှိ Asahi 3 (Beer Pub & BBQ) စားသောက်ဆိုင်နဲ့ YGN (KTV & Bar) တို့ကို ဒီဇင်ဘာ ၄ ရက် ညပိုင်းက ဗုံးဖောက်ခွဲ တိုက်ခိုက်ခဲ့တယ်လို့ ရန်ကုန်တိုင်းပြည်သူ့တပ်မဟာက သတင်းထုတ်ပြန်ထားပါတယ်။

ရန်ကုန်တိုင်း ပြည်သူ့တပ်မဟာအဖွဲ့ဝင်တွေ ဖြစ်တဲ့ Human Rights Defenders (HRD) အဖွဲ့နဲ့ သွေးသစ္စာအဖွဲ့တို့က မြောက်ဒဂုံ ပြည်ထောင်စုလမ်းမပေါ်ရှိ YGN (KTV & Bar) ကို  ဒီဇင်ဘာ ၄ ရက်၊ ည ၇ နာရီ ၅၅ မိနစ်နဲ့ ပင်လုံလမ်းမကြီးရှိ Asahi 3 ဆိုင်ကို ည ၈ နာရီခွဲမှာ အဝေးထိန်းမိုင်းနဲ့ တိုက်ခိုက်ခဲ့တာဖြစ်ပြီး စစ်ကောင်စီရဲ့ စီးပွားရေးဒေါက်တိုင်ဖြစ်လို့ တိုက်ခိုက်ခဲ့တာလို့ ဆိုပါတယ်။

မြောက်ဒဂုံ ဒေသခံတဦးက “ည ၈ နာရီနဲ့ ၉ နာရီလောက်ကြားမှာ အသံအကျယ်ကြီး နှစ်သံလောက် ကြားရတယ်၊ ထွက်ကြည့်တော့ လမ်းထိပ်က ဘီယာဆိုင်မှာထိုင်နေတဲ့လူတွေ ရုတ်ရုတ်သဲသဲတော့ ဖြစ်သွားသေးတယ်။ ပင်လုံထဲ စစ်သားတွေ ဝင်စစ်သွားတယ်” လို့ ပြောပါတယ်။

အဲ့ဒီညက မြောက်ဒဂုံမြိုနယ်မှာ အဝေးထိန်းဗုံးနဲ့ တိုက်ခိုက်ဖို့ ၃ နေရာ စီစဉ်ခဲ့ပေမဲ့ Privacy (KTV & Restaurant) ဘက်က နည်းပညာအကာအကွယ် သုံးထားလို့ ဖောက်ခွဲမှု မအောင်မြင်ခဲ့ဘူးလို့ သတင်းထုတ်ပြန်ချက်ထဲမှာ တွေ့ရပါတယ်။

အဝေးထိန်းဗုံးဟာ Asahi 3 (Beer Pub & BBQ) ဆိုင်ရဲ့ ကားပါကင် ရေမြောင်းထဲမှာ ပေါက်ကွဲခဲ့တာဖြစ်ပြီး ပစ္စည်းပျက်စီးမှုနဲ့ ထိခိုက်သူ မရှိဘူးလို့ သိရပြီး အဆိုပါဆိုင်က ပြီးခဲ့တဲ့ ဇန်နဝါရီ ၂၅ ရက်ကလည်း မူးယစ်ဆေးဝါးနဲ့ PDF အဖွဲ့ဝင်တွေ ရှိတယ်ဆိုပြီး စစ်ကောင်စီဘက်က အင်အားသုံး ရှာဖွေစစ်ဆေးတာ ခံခဲ့ရပါသေးတယ်။

Asahi 3 ဆိုင် တာဝန်ရှိသူက “တော်တော်အောင်မြင်တယ်၊ ဆိုင်ခွဲပေါင်း ၇ ဆိုင်လောက် ရှိတယ်၊ အဲ့‌တော့ စီးပွားရေးအရ အမြဲတိုက်ခိုက်‌နေတာ။ အရင်တုန်းကလည်း တခါ စစ်တပ်ကို တိုင်တာ။ အစ်ကိုတို့က မူးယစ်ဆေးဝါးရောင်းပါတယ်၊ PDF တွေနဲ့ ဆက်သွယ်ပါတယ် ဆိုပြီး‌တော့ စစ်တပ်ကိုလည်း ထောင်ပြီးပြီ၊ အခုတခါတော့လည်း စစ်တပ်ရဲ့ ဒေါက်တိုင်ဆိုပြီးတော့ ဆိုတော့ အစ်ကိုတို့ ဘယ်လိုနေရမှာလဲ” လို့ ပြောပါတယ်။

ဒီဇင်ဘာ ၄ ရက် ညမှာပဲ လှိုင်သာယ ၂၀ ရပ်ကွက်၊ ဘောလုံးကွင်းမှာ လက်လုပ်ဗုံး ပေါက်ကွဲခဲ့သလို ဒီဇင်ဘာ ၃ ရက်ကလည်း တောင်ဥက္ကလာမြို့နယ်ရှိ Transporter Bar ကို မြို့ပြပြောက်ကျားတပ်ဖွဲ့တွေက အဝေးထိန်းဗုံးနဲ့ ဖောက်ခွဲတိုက်ခိုက်ခဲ့ပါသေးတယ်။

ရှမ်းပြည်နယ်မြောက်ပိုင်း၊ မြန်မာ - တရုတ်နယ်စပ်၊ မူဆယ်မြို့၊ တော်ရွက်ရပ်ကွက်၊ ဟိုဆောင်ရပ်မှာ ကနေ့ ဇူလိုင်လ ၁၅ ရက် မနက်ပိုင်းက အသက် ၃၀ ကျော်အရွယ် အမျိုးသား ၁ ဦး သေနတ်နဲ့ အနီးကပ် ပစ်သတ်ခံခဲ့ ရကြောင်း ဒေသခံတွေဆီက သိရပါတယ်။

"မနက် ၉ နာရီဝန်းကျင်က ဖြစ်တာ။ အနောက်ကနေ တစ်ချက်တည်းပစ်တာ။ ​တော်ရွက် ရပ်ကွက် ဟို​ဆောင်မင်္ဂလာမူဆယ် နဲ့ နီးတယ်။" လို့ ‌မြို့ခံ ၁ ဦးက ပြောပါတယ်။ 

ပစ်သတ်ခံရသူမှာ အသက် ၃၃ နှစ်အရွယ်ရှိ အိုက်ပီး ဆိုသူဖြစ်ပြီး တရုတ်နိုင်ငံမှ မကြာသေးခင်က တရုတ်ဘက်က ပြန်လာသူဖြစ်ကာ မူဆယ်မြို့နယ်၊ နမ့်ခမ်း တဖက်ကမ်းက ၁၉ ရွာထဲက  တာစန့်ရွာခံ ဖြစ်တယ်လို့ ဆိုပါတယ်။ 

သေဆုံးသူမှာ သူ့ရဲ့ ‌အဖော်အမျိုးသီးနဲ့ စားသောက်ဆိုင်မှာ ရှိနေချိန် အမည်မသိ လက်နက်ကိုင် လူလတ်အရွယ် အင်္ကျီအဖြူ ဝတ်ဆင်ထားသူ ၁ ဦးက လွယ်အိတ်ထဲကနေ နောက်ကျောမှ အနီးကပ် ပစ်ခတ်လိုက်ကြောင်း လူမှုကွန်ယက်မှာ ပြန့်နှံ့နေတဲ့ ဗီဒီယိုဖိုင်မှာ တွေ့ရပါတယ်။

သေဆုံးသူရဲ့ အလောင်းကို မူဆယ်ပြည်သူ့ဆေးရုံ ရင်ခွဲရုံမှတဆင့် H.M.S ပရဟိတ လူမှုကူညီရေးအသင်းမှ ‌တာစန့်ကျေးရွာ နေအိမ်ကို ကူညီပို့ဆောင်ပေးခဲ့ ကြောင်း အဲဒီ အသင်းမှ သိရပါတယ်။ 

လာရောက်ပစ်ခတ်သွားတဲ့ အမျိုးသားကို လက်ရှိထိ ဖမ်းဆီးရမိခြင်း မရှိသေးပါဘူး။ မူဆယ်မြို့မှာတော့ လက်နက်ကိုင် ပေါင်းစုံ ရှိတဲ့ အပြင် မကြာခဏ ပစ်ခတ်မှု၊ လူသတ်မှု၊ ခိုးမှုတွေ ပိုဆိုးလာနေတာကြောင့် မူဆယ်မှာ နေထိုင်သူတွေက လုံခြုံရေးကို စိုးရိမ်နေကြရတယ်လို့ ဆိုပါတယ်။