မန်စီးတီးအသင်းနဲ့ပွဲစဉ်အပြီးမှာ အသင်းဖော်ဆာနေးကို လက်သီးနဲ့ထိုးကြိတ်ခဲ့တဲ့မာနေးကို ပွဲပယ်နဲ့ ဒဏ်ကြေးချမှတ်ကြောင်း ဘိုင်ယန်မြူးနစ်အသင်းက တရားဝင်သတင်းထုတ်ပြန်ပါတယ်။
ဆီနီဂေါတိုက်စစ်မှူးဟာ မန်စီးတီးကို ၃ ဂိုး ဂိုးမရှိနဲ့ရှုံးနိမ့်ခဲ့တဲ့ ချန်ပီယံလိဂ်ပွဲစဉ်အပြီးမှာ အသင်းရဲ့စွမ်းဆောင်ရည်နဲ့ ပတ်သက်ပြီး ဆာနေးနဲ့ အချင်းများခဲ့တာပါ။ မာနေးဟာ လက်သီးနဲ့ ထိုးကြိတ်ခဲ့တာကြောင့် ဆာနေးရဲ့နှုတ်ခမ်းလည်းပေါက်ပြဲခဲ့တယ်လို့သိရပါတယ်။
မာနေးအနေနဲ့ ဟော့ဖမ်ဟမ်ဇ်အသင်းနဲ့ ကစားမယ့် ဘွန်ဒက်စ်လီဂါပွဲစဉ်မှာပါဝင်မှာမဟုတ်သလို ဒဏ်ကြေးလည်း ချမှတ်ခဲ့ကြောင်း၊ မန်စီးတီးနဲ့ပွဲစဉ် အပြီးမှာ မသင့်လျော်တဲ့အပြုအမှု လုပ်ခဲ့တာကြောင့်ဖြစ်ကြောင်း ဘိုင်ယန်အသင်းကတရားဝင်ထုတ် ပြန်ခဲ့တာပါ။
မာနေးနဲ့ ဆာနေးတို့ လေ့ကျင့်ရေးကွင်းမှာနီးနီးကပ်ကပ်လေ့ကျင့်နေပုံကိုလည်း ဘိုင်ယန် အသင်းက ထုတ်ပြန်ခဲ့ပါတယ်။
အသင်းဖော်ဆာနေးကို ထိုးကြိတ်ခဲ့တဲ့ မာနေးဟာ ဘိုင်ယန်မြူးနစ်အသင်းရဲ့ အရေးယူမှုခံရတော့ မယ်လို့သိရပါတယ်။
မန်စီးတီးအသင်းကို ၃ ဂိုး ဂိုးမရှိနဲ့ရှုံးနိမ့်ခဲ့တဲ့ပွဲအပြီးမှာ အသင်းရဲ့စွမ်းဆောင်ရည်နဲ့ ပတ်သက်ပြီး အချင်းချင်း ဆွေးနွေးငြင်းခုံကြရာမှာ ခိုက်ရန်ဖြစ်ပွားခဲ့တာဖြစ်တယ်လို့ ဂျာမနီသတင်းစာ Bild ကဖော်ပြပါတယ်။
ဆာနေးဟာ မာနေးကို လေးစားမှုကင်းမဲ့တဲ့စကားပြောခဲ့တာကြောင့် မာနေးက လက်သီးနဲ့ ထိုးကြိတ်ခဲ့ရာမှာ ဆာနေးရဲ့နှုတ်ခမ်းပေါက်ပြဲသွားခဲ့တယ်လို့ ဆိုပါတယ်။
သူတို့ရဲ့ ခိုက်ရန်ဖြစ်ပွားမှုကို အသင်းဖော်တွေနဲ့ နည်းပြအဖွဲ့ဝင်တွေကလည်း ဝိုင်းဝန်း ဖျန်ဖြေခဲ့ရတယ် လို့သိရပါတယ်။
ဘိုင်ယန်မြူးနစ်အသင်းဘက်ကတော့ ကိုယ်ထိလက်ရောက်ကျူးလွန်ခဲ့တဲ့ မာနေးကို အရေးယူမှုပြုလုပ်ဖို့ စုံစမ်းစစ်ဆေးမှုတွေ လုပ်ဆောင်သွားမှာဖြစ်တယ်လို့ Bild သတင်းမှာဖော်ပြပါ တယ်။
မန်စီးတီးကို ၃ ဂိုးပြတ်နဲ့ ရှုံးနိမ့်ခဲ့တဲ့ပွဲစဉ်မှာ မာနေးက ပွဲချိန် မိနစ်၇၀ ရောက်မှ လူစားဝင်ကစား ခွင့်ရခဲ့ပြီး ကန်သွင်းချက်တစ်ကြိမ်မှမရခဲ့ပေမဲ့ ပွဲထွက်ကစားခဲ့တဲ့ ဆာနေးက ဂိုးကန်သွင်းချက် ၅ ကြိမ် အထိရှိခဲ့တာဖြစ်ပါတယ်။
