အင်ဒိုနီးရှားနိုင်ငံ၊ ဆူမာတြားကျွန်းမှာ ဧပြီ ၂၅ ရက်က ပြင်းအား ရစ်ချ်တာစကေး ၇ ဒသမ ၃ ရှိ အင်အားပြင်းငလျင်တခု လှုပ်ခတ်ခဲ့အပြီး ဆူနာမီသတိပေးချက် ၂ နာရီကြာ ထွက်ပေါ်လာခဲ့ပြီးနောက်မှာ ကျွန်းအနောက်ဘက်ရှိ ဒေသခံတွေကို ဘေးလွတ်ရာ ရွှေ့ပြောင်းခဲ့ရပါတယ်။

အဲဒီငလျင်ဟာ ဒေသစံတော်ချိန် မနက် ၃ နာရီလောက်က အနက် ၈၄ ကီလိုမီတာလောက်မှာ လှုပ်ခတ်ခဲ့တာဖြစ်ပြီး နောက်ဆက်တွဲငလျင် အများအပြားလည်း လှုပ်ခဲ့ကာ အဲဒီထဲက တခုဟာ ပြင်းအား ၅ အဆင့်ရှိကြောင်း အင်ဒိုနီးရှား ဘူမိရူပဗေဒ အေဂျင်စီ BMKG ရဲ့ အချက်အလက်တွေအရ သိရပါတယ်။

အနောက်ဆူမားတြားရဲ့ မြို့တော် ပါဒန်င်မှာ လူတွေဟာ မနက်စောစောမှာ ပစ္စည်းတွေ အနည်းအကျဉ်းလောက်နဲ့ ဆိုင်ကယ်စီးပြီး ဘေးကင်းဇုန်တွေဆီ ဦးတည်သွားကြပါတယ်။

နောက်တော့ ဆူနာမီသတိပေးချက်ကို ရုပ်သိမ်းလိုက်ပြီး ဒေသဆိုင်ရာ အာဏာပိုင်တွေအနေနဲ့ ရေဘေးသင့်ဒေသရှိ ဒေသခံတွေကို ကမ်းနဲ့ဝေးရာဆီ ပြောင်းရွှေ့နေထိုင်ကြဖို့ ချက်ချင်း ညွှန်ကြားပေးဖို့ တောင်းဆိုခဲ့ပါတယ်။

အင်ဒိုနီးရှားနိုင်ငံ မြောက်ပိုင်းဆူမားတြားကျွန်းပေါ်က မီဒန်မြို့မှာ ဒုက္ခသည်  ၁၃၀၀ ကို ဒီဇင်ဘာ ၂၉ ရက်နေ့က ကိုဗစ်-၁၉ ကာကွယ်ဆေး ဒုတိယမြောက်တလုံး ထိုးပေးခဲ့တယ်လို့ ရိုက်တာသတင်းမှာ ဖော်ပြပါတယ်။

ကပ်ဘေး စတင်ခဲ့အချိန်စလို့ အင်ဒိုနီးရှားမှာ ကူးစက်ခံရသူ ၄ ဒသမ ၂ သန်းကျော်နဲ့ သေဆုံးသူ ၁၄၀,၀၀၀ ကျော် ရှိလာပါပြီ။ အခုအချိန်အထိ ကာကွယ်ဆေး အလုံးပေါင်း သန်း ၂၀၀ ကျော်ကို ထိုးပေးနိုင်ခဲ့ပြီလို့ ဆိုပါတယ်။ 

ဒီထဲမှာ လူဦးရေ ၁၄၈ သန်းက ကာကွယ်ဆေး ပထမတလုံးကို ထိုးနှံထားပြီး ၁၀၄ သန်းကတော့ ကာကွယ်ဆေး နှစ်လုံး ထိုးထားပြီး ဖြစ်တယ်လို့ ဆိုပါတယ်။ 

ဒီကိန်းဂဏန်းတွေကို ကြည့်ရင် အင်ဒိုနီရှား လူဦးရေ သန်း ၂၇၀ မှာ ၃၈ ရာခိုင်နှုန်းက ကာကွယ်ဆေး အပြည့် ထိုးထားပြီးပြီလို့ ဆိုရမှာပါ။