ရီးရဲလ်မက်ဒရစ်နဲ့ ကစားရမယ့် ချန်ပီယံလိဂ်ကွာတားဖိုင်နယ်ပွဲစဉ်မှာ ဘာမဆိုဖြစ်သွားနိုင်ကြောင်း ချဲလ်ဆီးနည်းပြဖရန့်လမ်းပတ်က ပြောပါတယ်။
ချဲလ်ဆီးအသင်းဟာ ရီးရဲလ်နဲ့မတိုင်ခင် နောက်ဆုံးပရီးမီးယားလိဂ်ပွဲစဉ်မှာ ဝုဗ်အသင်းကို ရှုံးနိမ့် ထားပြီး အမှတ်ပေးဇယားအဆင့် ၁၁ မှာရပ်တည် နေတာပါ။
အချက်အလက်အရ ရီးရဲလ်မက်ဒရစ်က လက်ရှိချန်ပီယံအသင်းဆိုပေမဲ့ ချန်ပီယံလိဂ်ပြိုင်ပွဲဟာ တခြားသောပြိုင်ပွဲတွေနဲ့ တူညီမှုမရှိတာကြောင့် ဘာမဆိုဖြစ်သွားနိုင်တယ်လို့ နည်းပြလမ်းပတ် ကပြောပါတယ်။
ရီးရဲလ်မက်ဒရစ်နဲ့ပွဲအတွက် အကောင်းဆုံးကြိုးစားပြင်ဆင်ထားပြီး ချဲလ်ဆီးအသင်းအနေနဲ့ မျှော်လင့်ချက်မရှိသလောက် ဖြစ်နေတဲ့ပွဲစဉ်မဟုတ်ကြောင်းလည်း လမ်းပတ်က ပြောပါတယ်။ ချဲလ်ဆီးအသင်းဟာ လာမယ့် ဧပြီ ၁၃ ရက် မနက်၁နာရီခွဲမှာ မက်ဒရစ်မြေမှာ ပထမအကျော့ စတင်ယှဉ်ပြိုင်သွားရမှာဖြစ်ပါတယ်။
