ဂျူဗင်တပ်စ်အသင်းဟာ ပေါ့ဘာကို စည်းကမ်းပိုင်းဖောက်ဖျက်မှုကြောင့် ဖရိုင်းဘက်နဲ့ ကစားခဲ့တဲ့ ယူရိုပါလိဂ်လူစာရင်းကနေ ဖယ်ရှားခဲ့ပါတယ်။
အသက် ၂၉ နှစ်ရှိ ပြင်သစ်ကွင်းလယ်လူဟာ ဒဏ်ရာပြဿနာတွေကြောင့် ပြီးခဲ့တဲ့တစ်ပတ်ကမှ အသင်းအတွက် ပြန်လည်ကစားပေးနိုင်ခဲ့တာပါ။
ဒါပေမဲ့ ယူရိုပါလိဂ်ပွဲစဉ်မတိုင်ခင်မှာ အသင်းအစည်းအဝေးကို အချိန်မီ တက်ရောက်နိုင်ခြင်းမရှိခဲ့တာကြောင့် နည်းပြအယ်လီဂရီက ပေါ့ဘာကို လူစာရင်းကနေ ဖယ်ရှားခဲ့တာပါ။
ပေါ့ဘာဟာ မန်ယူအသင်းမှာကတည်းက အသင်းနဲ့ အဆင်မပြေမှုတွေကြောင့် အသင်းဟောင်းဂျူဗင်တပ်အသင်းဆီကို အလွတ်ပြောင်းရွှေ့ကြေးနဲ့ ပြန်လည်ရောက်ရှိလာခဲ့တာပါ။ ဂျူဗင်တပ်အသင်းဟာ လာမဲ့ တနင်္ဂနွေနေ့မှာ ဆမ်ဒိုးရီးယားနဲ့ စီးရီးအေပွဲစဉ်ကစားရမှာဖြစ်ပြီး ပေါ့ဘာကိုပြန်လည်ခေါ်ယူမလားဆိုတာ မသိရှိရသေးပါဘူး။
ဂျူဗင်တပ်နဲ့ ပြင်သစ်ကွင်းလယ်ကစားသမား ပေါ့ဘာဟာ ဒူးဒဏ်ရာ သက်သာလာခဲ့ပေမဲ့ ဒဏ်ရာပြန်ရခဲ့လို့ ပွဲထွက်ကစားဖို့ အချိန်စောင့်ဆိုင်းရဦးမယ်လို့ သိရပါတယ်။
ပေါ့ဘာဟာ အခုနှစ်ရာသီအစကတည်းက ယူနိုက်တက်ကနေ အလွတ်ပြောင်းရွှေ့ကြေးနဲ့ အသင်းဟောင်း ဂျူဗင်တပ်အသင်းဆီ ပြန်လည်ပြောင်းရွှေ့လာခဲ့သူဖြစ်ပြီး ဒူးဒဏ်ရာ ခွဲစိတ်ကုသခဲ့ရလို့ ရာသီဝက်ကာလရောက်တဲ့အထိ တပွဲမှ ပါဝင်ကစားခွင့် မရရှိသေးတာပါ။
ပြီးခဲ့တဲ့တပတ်က အသင်းနဲ့အတူ လေ့ကျင့်ခန်းပြန်ဆင်းခဲ့ပေမဲ့ သူ့ရဲ့ဒူးဒဏ်ရာက အရှင်းမပျောက်သေးဘဲ နာကျင်မှုဝေဒနာ ခံစားခဲ့ရတာပါ။
ဒီအခြေအနေကြောင့် ပေါ့ဘာအနေနဲ့ မနက်ဖြန်မှာကစားမယ့် လာဇီယိုနဲ့ ကိုပါအီတာလီယာ ပွဲစဉ်ကို ထပ်ပြီးလွဲချော်ဦးမှာ ဖြစ်ပါတယ်။
