close
close
Асосий мавзулар
2 март 2020

Лукашенко ЕОИИни танқид қилди, ўзбек нашрлари эса тарғиб қилмоқда

close

Александр Лукашенко Евроосиё иқтисодий иттифоқига аъзо давлатлар бир-бири билан намунали алоқа ўрнатиш ўрнига “шовқин-сурон кўтариш” билан машғул бўлаётганини маълум қилди.

Беларусь президенти бу фикрини Европа иқтисодиёти комиссияси ҳайъати раҳбари билан бўлиб ўтган учрашувда айтди, дея хабар берди 27 февраль куни БелТА ахборот агентлиги.

Агентликнинг Беларусь раҳбари сўзларидан иқтибос келтиришича, Евроосиё иқтисодий иттифоқи давлатларида ҳозирги кунгача ишлаб чиқариш ва аграр масалалар бўйича ягона сиёсат умуман мавжуд эмас.

“Евроосиё иқтисодий иттифоқи ташкил этилганда иттифоқдош давлатлар бир-бирига намуна кўрсатиб, битта йўналишда ишлайди, деб башорат қилинган эди. Бироқ улар “жанжалгача етиб келган шовқин-суронларни шакллантирди”, деди Беларусь президенти.

Шу билан бирга, Лукашенко мазкур иттифоққа раҳбар сифатида бир неча мавжуд ҳолатларни яширмасдан таклифлар киритиш лозимлигини айтди. Бошқа давлатлар рози бўладими-йўқми, бироқ Евроосиё иқтисодий иттифоқидаги муносабатлар шаффофлик ва адолат тамойиллари асосида фаолият юритиши керак, деб ҳисоблайди у.

“Агар иттифоқ бундай тамойилларга риоя қила олмаса, у ҳолда бир-бирининг бошини оғритмаслиги керак”, деган Беларусь лидери бошқа ҳолатларда давлатлар ўз йўналишлари ва йўлларини мустақил танлашлари мақсадга мувофиқлигини таъкидлади.

Ўз сўзида Александр Лукашенко Россия ва Беларусь ўртасидаги муносабатлар хусусида тўхталиб, Евроосиё иқтисодий иттифоқи пойдеворини мана шу икки давлат яратганини маълум қилди.

Иттифоқ тузилганидан то бугунгача унга бош-қош бўлганларнинг олдинги сафларида турган Лукашенконинг ўзи ЕОИИга аъзо давлатлар ўртасида шаффофлик ва адолат йўқлигини танқид қилаётган бир пайтда ўзбек иқтисодчилари, сиёсатчилари Россияда ишлаётган ўзбек меҳнат мигрантларига яхши бўлиши баҳонасида иттифоққа қўшилишни тарғиб қилишда давом этишмоқда.

Бу ҳолат 27 февраль куни “Ўзбекистон 24” каналида эфирга узатилган “Ўзбекистон Евроосиё иттифоқига аъзо бўлиши керакми?” мавзуидаги кўрсатувда ҳам кузатилди.

Мазкур теледастурга, асосан, ЕОИИга аъзо бўлиш истагини тарғиб қилувчи, аниқроғи, ҳукумат томонидан юборилган амалдорлар таклиф қилингани яққол билинди.

Телебошловчининг эса ЕОИИга аъзоликка қарши фикр билдирувчи саноқли одамларга микрофон бермагани, уларни эмин-эркин гапиришга йўл қўймагани ҳам шундан далолат берди.

Eltuz.com

Тағин ўқинг
20 ноябр 2017
Бу йил ўзбек футболи учун навбатдаги оғир йил бўлди. Шунча кўтар-кўтарлар билан терма жамоа яна жаҳон чемпионатига чиқа олмади. ...
9 октябр 2018
Ахборот технологиялари ва коммуникацияни ривожлантириш вазирлиги октябрь ойининг бошида Ўзбекистонда кўриш тақиқланган 103 фильм рўйхатини провайдерларга тақдим этди. Назорат ...
7 август 2018
“Корейс эр” қўшма корхонасида. – Менинг қизимни ҳам посилка келин қилиб Кореяга узат. – Навбатга ёзилинг! Ҳаммага ҳам корейс ...
17 июн 2019
“Жиян, энди мен сенга ҳеч қачон “ундай қилма, бундай қилма” демайман. Сени Аллоҳдан бошқа ҳеч ким, ҳеч нарса ислоҳ ...
Блоглар
10 март 2020
Ўзбекистон бош вазири Абдулла Арипов иштирокидаги йиғилишда республика бўйича 300 дан зиёд қишлоқ ва маҳалланинг, ...
9 март 2020
1965 йилнинг 8 марти. “Хоразм ҳақиқати” газетасининг биринчи варағида оқ халат кийган врач аëлнинг янги ...
7 март 2020
Ўтган йил охирроғида Москвага йўлим тушди. Чумчуқтепада, университетга яқин Мосфильм кўчасида турдим. Эйр бин бин ...