Усмонхўжаев – Ўзбекистоннинг Кремль томонидан қамалган раҳбари

2017 йилнинг 17 март куни Ўзбекистонга 1983 йилдан 1988 йилгача раҳбар бўлган Иномжон Бузрукхўжаевич Усмонхўжаев 87 ёшида вафот этди.

Марҳум Фарғона вилоятининг Риштон тумани Пандигон қишлоғидаги қабристонга дафн этилди. Жаноза Ёрмозор ҳудудидаги жомеъ масжидда ўқилди.

У Шароф Рашидовдан кейин Ўзбекистонга раҳбарлик қилган эди.

Иномжон Усмонхўжаев 1983 йилдан 1988 йилгача ЎзССР Марказқўми Биринчи котиби бўлган.

Усмонхўжаев “қайта қуриш” йилларида коррупцияда айбланди. 1988 йилнинг 12 январида “пенсияга чиқиши муносабати” билан Ўзбекистон КП Марказқўми Бош котиби лавозимидан озод қилинди.

1989 йилнинг 12 декабрида «пахта иши» бўйича айбланиб, 12 йилга қамалди. Коррупционер совет раҳбари сифатида барча унвонларидан маҳрум қилинди. 1990 йили озод этилди.

Умрининг сўнгги йилларида Иномжон Усмонхўжаев Фарғонада ўз отаси Бузрукхўжа қурган уйда фарзандлари ва набиралари билан яшаган эди.

Eltuz.com