close
close
Асосий мавзулар
17 октябр 2020

Газчи қарздорлиги сўндирилмаган уй эгаси томонидан ўлдирилди

close

Сирдарё вилоятининг Сирдарё туманидаги “Дўстлик” МФЙда яшовчи 29 ёшли Фарруҳ Каримжонов уйига қарздорликни сўндиришни сўраб келган туман газ идораси ходими 50 ёшли Қаҳрамон Шомуродовни пичоқлади. 

Айбланувчининг ИИБ вакилларига билдиришича, 9 октябрь куни 18:00 атрофида туман газ корхонаси ходими унинг уйига келади. Газдан қарзи борлигини, уни сўндириши зарурлигини айтади. 

Ўртада келишмовчилик пайдо бўлади. Икки томон ярим соатдан ошиқроқ давомида тортишади. Ёнида пичоғи бўлган Фарруҳ Каримжонов совуқ қурол билан газ корхонаси ходимини дастлаб қўрқитмоқчи бўлади. 

Бироқ шаштидан қайтмаган Қаҳрамон Шомуродовга кетма-кет пичоқ санчади. Юз, елка ва қорин қисмидан оғир жароҳат олган газчи воқеа жойида вафот этади.

“Элтуз” мухбири марҳумнинг яқинлари билан боғланди. Айбланувчи билан боғланиш имкони бўлмади.

Марҳумнинг рафиқаси улар асли Навоий вилояти Нурота туманидан бўлиб, Сирдарёга кўчиб келганидан буён эри туман газ идорасида ишлаётганини маълум қилди. Шу вақтгача эрида иш юзасидан пичоқланиш ҳолати кузатилмаган. 

Марҳумнинг рақифаси эри бир-икки бор қарздорлиги бўлган фуқаролар томонидан калтакланганини айтди. У тўрт фарзанди борлигини, эрининг вафотидан сўнг оиласида моддий, маънавий қийинчилик бўлишини маълум қилди. 

Сирдарё тумани ИИБга яқин мулозимнинг билдиришича, воқеа юзасидан туман прокуратураси томонидан терговга қадар текширув ҳаракатлари олиб борилмоқда. Суд-экспертиза ишлари бўйича дастлабки хулоса олинган. 

Тўпланган маълумотлар асосида гумонланувчи Фарруҳ Каримжоновга Жиноят кодексининг 97-моддаси, яъни қасддан одам ўлдириш айби қўйилган. 

Eltuz.com

Тағин ўқинг
13 июл 2016
Турли нашрлар ва ижтимоий тармоқларда Ўзбекнаво рахбари Фарҳод Жўраевнинг хонандага саҳнага чиқиш эмас, руҳшуносга учраш тавсиясини бергани ҳақидаги хабар ...
30 январ 2017
Сўнгги вақтларда товуқ боқишни Ўзбекистонда миллий ҳаракат даражасига чиқаришга қаратилган интилишлар давом этмоқда. Қайси газетани варақламанг, албатта, товуқ боқиш ...
9 май 2020
Мана, ҳафта ўтиб яна кўзимиз кўзимизга тушди. Мен айтаëтган гапларга қулоқ соляпсиз. Кўрсатувни кўздан эмас, юракдан кечираëтганингизни биламан ва ...
19 июн 2019
Жиззах вилояти ички ишлар бошқармаси 2019 йилнинг 3 июнида ҳуқуқ фаоли Малоҳат Эшонқуловага қарши Жиноят кодексининг икки моддаси – ...
Блоглар
27 октябр 2020
Тўқсонинчи йилларда талаба эдим. Данғаралик таниқли журналист Шокирали Нуралиев: “Капитализм ҳуқуқсиз, ёлланма ишчиларни эзиб ишлатишдир. ...
26 октябр 2020
Ижтимоий тармоқларда популистлар томонидан Франция маҳсулотларига бойкот эълон қилиш ҳақида чақириқлар пайдо бўлмоқда. Келинглар, бу ...
22 октябр 2020
Миллий ишлаб чиқаришни ривожлантириш деган баҳона, ниқоб ёрдамида монополларимиз қонимизни сўриб ётибди. Ташқаридан истеъмол моллари ...