Собиқ ҳоким: Ерни хусусийлаштириб бериш вақти келди

Республика иқтисодини кўтариш учун, энг аввало, ер хусусийлаштирилиши керак, дея ҳисоблайди Навоий вилоятининг Конимех тумани собиқ ҳокими, қишлоқ хўжалиги мутахассиси Исмоил Оспанов.

“Дунё ўзгаряпти. Авторитар, диктаторлик режимлари ҳаммаси йиқиляпти. Оддий одамлар билан ҳисоблашмаса бўлмайди. Меҳнаткашларнинг шароити жуда оғир. Ер адолатли тарзда тақсимлаб берилиши керак”, дейди ўз қишлоқ хўжалигида кўп йиллар меҳнат қилган Исмоил Оспанов ўз видеосида.

У ерга эгалик масаласида Ўзбекистонда совет давридаги эски сиёсат ҳамон сақланиб қолаётгани, шу боис, унумдорлик пастлиги, шахсий манфаатдорлик йўқлигини айтади.

“Эркинлик бўлмаган жойда иқтисодиёт йўқ. Пахтадан, ғалладан бугунги кунда фақат монополистлар фойда кўряпти. Агар фермерга ерга эгалик ҳуқуқи берилса, бундай ноҳақликлар бўлмайди. Нима экиб, кимга сотиш масаласини деҳқоннинг ўзи ҳал қилади”, дейди Исмоил Оспанов.   

Видео: https://youtu.be/tVAnsR1EjIc