close
close
Cатира
15 феврал 2023

Рассом Туз: ШУБА

close

Ўрусия шаҳарларидан биринда бир қизалоқ яшарди. Сочи сариқ, кўзи кўм-кўк қизгина. Бир куни шу қизнинг отасига военкоматдан повестка келди. Отанинг повесткага кўзи ўтмади:
— Жин урсин! Мени кўзим минус саккиз, туғма порок сердцаман, қичитма касалим бор. Боз устига плоскостопие – яссиоëқман! Бу қандайдир ошибка!

Отахон ҳужжатларни олиб, ҳассасига таяниб, военкоматга қараб йўртди.

Ўша куни отахон уйига қайтмади. Эртаси куниям. Уч кун ўтибам дараги чиқмади.

Эридан хавотир оган хотин бўлса полицияга заява ëзди: Бу қандай гап¸ қачондан бошлаб ҳўкиздай одам катта кўчада йўқоладиган бўлди! Мана ариза, дарҳол қидирув эълон қилинг!

«Аломатлари: Бўйи бир метр қирқ сантиметр. Ҳассага таяниб юради. Лупага ўхшаган кўзойнаги бор. Қулоғи кар, кал бошида яғир шляпаси бор. Жигарранг шляпа».

Полициядагилар хотиннинг бу гапини эшитиб, қоғозларни титкилаб, мана бу гапни айтишди:

«Эй хотин кўп вақиллама. Манави ҳужжатларга кўра, эринг миноборона билан договор қилиб специальний военний операцияга кетган. Менга унақа бақрайма¸ урушга кетган ғалча укроп ўришга. Жанжал қилсанг, Россия қуролли кучларини обрўсизлантирди деб, қамаб қўямиз.

Хотин тақдирга тан бериб, уйига шўлпайиб қайтди.

Бир ойдан кейин бу хотинни военкоматга чақиришди :
— Холажан гап бундай. Сизнинг шоввоз эрингиз ўрусият ватанимизни нацистлардан ҳимоя қиламан деб, қаҳрамонларча ўлди. Бўмба тушиб тилка-пора бўлибди ўзиям. Манави халта ичида унинг мурда қолдиқлари. Тезда кўмиворинг, сасимасин. Аммо холагинам яхши хабар ҳам бор сиз учун – эрингиз ўлиб, қайғуриб ич этингизни емаслигингиз учун сюрприз бор сизга — мана сизга шуба подарка. Иссиққина пўстин. Тўрсиқ терисидан бўлган. Олдин бу шубани Херсон шаҳрида фашистлар кийган. Кейин бизнинг қўшмачи ўрис солдатлар бориб, Украинани озод қилиб, Херсонни Россияга қўшиб ташади. Бу шубани эса азиз ўрис хотинлари учун украинкалардан тортиб олишди. Пўстинга кўз олайтирмаслиги учун Украинкаларни штикнож тиқиб ўлдиришди. Энди бу шубанинг эгаси ўрис хотин ўлароқ сиз. Яхши кунларда кийинг.

Хотин лорсиллаганча шубани уйига обкелди. Кўзгуни олдида туриб, шубани кийиб, ўзини айнакка солди. Бутун кеча шубани кийиб, расмларга тушиб, «Одноклассники» ва «В контакте»га қўйиб мақтанди. Балки қиммат шуба кийган бу хотинни эркаклар кўриб ховос қилиб уйланар деган маънода қош қоқиб, кўз сузди.

Кеч кирди. Она ва қиз уйқуга ëтишди. Бирдан ярим оқшомда қиз даҳшатли қичқириқ ва фарëдни эшитди:

— Слава Украине! Героям Слава! Украинага шон шарафлар бўлсин!!

Қиз қараса шуба онасини бўғаëтганмиш. Буни даҳшатли туш деб ўйлаган қиз ортига онтарилиб уйқуга кетди.
Эрталаб қараса, онаси ўлиб ëтибди. Қиз полицияга телефон қилди. Бир пасда ментлар етиб келди :

— Қизалоқ сен онангни ким ўлдирганини биласанми. Кўрдингми ?

Қиз кўзларини катта катта очиб :
— Ҳа кўрдим. Онамни украинская шуба ўлдирди. Бу шубани военкоматдан беришувди Украинада ўлган отам учун.

Полиция қизга ишонмади ва қизни жинихонага топширворишди.

Шуба бўлса квартирани сотиб пулини Украина армиясига перечислит қилиб ўтказворди. Кейин эса шинел кийиб Челябинскдаги военный заводни пўртиллатиш учун кетди. Хабарларда кўрган бўлсангиз, аши зовутни пўртиллаганини. Так чтў буни шуба қилди.

Хуллас: Ўрис опа ва ўрисқуллар, ўғирланган шубаларни текинга беришса ҳам оманг. Кечқурун бу шуба сизни бўғиб ўлдиради. Мендан ойтиш!

@rassomtuz

Тағин ўқинг
19 июл 2016
Бугун Ўзбекистоннинг таниқли ва жасур журналистлари бўлган Галима ва Багила Бухарбоеваларнинг оналари Манзура Бухарбоева вафот этгани ҳақида хабар топдик. ...
25 январ 2017
Фарғона вилоятининг туман ИИБ идораларидан бирида ишловчи Элтуз манбасига кўра, баъзида гуруҳ бўлиб, баъзида якка тартибда уйларга кираётган ўғри ...
10 август 2019
Мана, денгиз бўйларида дам олиб, қайтиб келдик яна ишлашга. Биз дам олган пайтда Ўзбекистон президенти қаттиқ ишлабди. Ëмонам қаттиқ ...
22 июн 2018
Туркияда 24 июнь куни президент сайлови ўтади. Унда президентликка иқтидордаги Эрдўғондан ташқари Жумҳурият халқ партияси (ЖХП)дан Муҳаррам Инжа ва ...
Блоглар
7 феврал 2023
Бу одамни этини жимирлатган даҳшатли ўғирлик 2 февралдан 3 февралга ўтар кечаси Вобкентнинг Халач қишлоғида ...
3 январ 2023
Улуғ ўзбек шоири ва муҳолифат лидери Муҳаммад Солиҳ билан суҳбатнинг 20-қисмида журналистнинг «Адабиёт нима?» деган ...
25 декабр 2022
Улуғ ўзбек шоири ва муҳолифат лидери Муҳаммад Солиҳ билан суҳбатнинг 18-қисмидан 90-йилларда таниқли адабиётшунос Иброҳим ...