Кыргызстанга аткезчилик жолу менен 13 тонна насвай алып кирүү аракетине бөгөт коюлду. Бул тууралуу 30-январда УКМКнын Чек ара кызматынан билдиришти.
![](https://i1.wp.com/ky.kloop.asia/wp-content/uploads/sites/6/2023/01/photo1675069000-1.jpeg)
Мекеменин маалыматына ылайык, 30-январда Кыргызстандын «Бүргөндү» чек ара көзөмөл пунктуна Өзбекстандын Чоң-Гара анклавынан чыккан Volvo үлгүсүндөгү жүк ташуучу унаа келип токтогон. Текшерүү учурунда айдоочунун насвай ташууга уруксат кагаздары жок экени аныкталган.
Насвай — үчүнчү сорттогу тамеки жалбырагына күл, акиташ, жыттуу заттар кошулуп даярдалган түтүнсүз тамеки заты. Ал Борбор Азияда кеңири жайылган.