Казакстандын Актөбө облусунда Бишкек — Самара багытындагы жүргүнчү ташыган поезд менен тепловоз кагышты. Бул тууралуу «Кыргыз темир жолу» мамлекеттик ишканасынан билдиришти.
Маалыматка ылайык, окуя 5-мартта эртең менен саат 10:20 чамасында болгон. Кырсыктын кесепетинен эч ким жабыркаган жок, окуяны иликтөө үчүн атайын комиссия түзүлдү.
![](https://i1.wp.com/ky.kloop.asia/wp-content/uploads/sites/6/2023/03/261507.e94f596b433acb8d0c7fd31dcc3cc52d.jpeg)
![](https://i1.wp.com/ky.kloop.asia/wp-content/uploads/sites/6/2023/03/261517.e3fb093671edbf7cbdde229cfd4abb6f.jpeg)
![](https://i1.wp.com/ky.kloop.asia/wp-content/uploads/sites/6/2023/03/261502.c4cc944d8366b12d7a792322a43b45f1.jpeg)
Ишканадан жүргүнчү ташыган поездде 229 адам болгонун, алар Казакстандын, Кыргызстандын жана Орусиянын жарандары экенин белгилешти. Кагышуунун кесепетинен 3 вагон жабыркады.
«Жабыркаган вагондогу жүргүнчүлөр башка вагондорго отургузулду. Поезд бригадасы, жергиликтүү бийлик органдары жана саламаттык сактоо кызматкерлери жаракат алгандарга жардам көрсөтүп, ысык тамак уюштуруп жатышат», — дешти ишканадан.
Буга чейин «Кыргыз темир жолу» ишканасы Бишкек-Самара багытындагы поезд жумасына эки жолу, жума жана шаршемби күндөрү жөнөй турганын билдирген.