Ош жана Жалал-Абад облусунда 19 банкоматты талкалап, ичинен акчасын урдоого шектелип эки киши кармалды. Бул тууралуу 30-мартта Ош шаардык милициясынан билдиришти.
Маалыматка ылайык, шектүүлөр 2022-жылдын январь айынан, 2023-жылдын февраль айына чейин Ош шаарында, Ош облусунун Өзгөн, Кара-Суу, Ноокат райондорунда жана Жалал-Абад облусунун Базар-Коргон районунда 19 банкоматты тоношкон.
![](https://i1.wp.com/ky.kloop.asia/wp-content/uploads/sites/6/2023/03/MyCollages-12.jpg)
Кылмышка шектүү катары Ош облусунун тургундары кармалган. Шектүүлөр тергөө иштери аяктаганга чейин Ош шаардык №5 тергөө изоляторунда болот.
«Экөө теӊ мурда бир нече жолу сот жообуна тартылышкан. Кылмыш чөйрөсүнүн идеяларын колдошот», – деп белгилешти Ош ШИИБнен.
Учурда тергөө иштери жүрүүдө.
Автор: Бурулсун Джумалиева