![](https://i1.wp.com/ky.kloop.asia/wp-content/uploads/sites/6/2023/06/6af44cdb-cb66-3495-b589-115f52d93a9b.jpg)
Руслан Казакбаев Түркиядагы элчи кызматын улантуу менен бирге Кыргызстандын Израилдеги элчиси болуп дайындалды. Бул тууралуу 22-июнда президенттин администрациясы билдирди.
Маалыматка караганда, тиешелүү буйрукка президент Садыр Жапаров кол койгон.
Руслан Казакбаев 2020-жылдын 14-октябрында тышкы иштер министри болуп дайындалып, 2022-жылдын апрелинде кызматтан кеткен.
Жапаровдун басма сөз катчысы Эрбол Султанбаев Казакбаевдин кызматтан алынганын башка ишке өткөнү менен түшүндүргөн. Бирок анын кайсы кызматка дайындалганы ачыкталган эмес. ТИМге келгенге чейин Казакбаев 2015-жылы «Республика-Ата-Журт» партиясынан парламентке депутат болгон.
2022-жылдын ноябрынан бери ал Кыргызстандын Түркиядагы элчиси болуп эмгектенүүдө.