Кыргызстандык команда Dota 2 боюнча тогузунчу жолу өтүп жаткан фиджитал оюндарынын жеңүүчүсү болду. Бул тууралуу 4-августта Компьютердик спорт федерациясынан кабарлашты.
![](https://i1.wp.com/ky.kloop.asia/wp-content/uploads/sites/6/2023/08/kyrgyzstandyk-komanda-1-orundu-eeledi-e1691240219957-300x178.jpg)
Маалыматка ылайык, кыргыз командасы финалда орусиялык One Move тайпасын утту. Жеңүүчүлөргө «Фиджитал Флэйм» кубогу жана 1,75 миллион рубль тапшырылды.
Эл аралык турнир 20-27-июль күндөрү Орусиянын Казань шаарында өттү. Ага Кыргызстан, Казакстан, Перу, Орусия, Сауд Аравия жана Филиппинден келген командалар катышты.
Буга чейин, 17-июлда Кыргызстандын CS:GO боюнча аялдар курамасы Сауд Арабиясынын Эр-Рияд шаарында өткөн IESF Female Asian Championship-2023 чемпионатында үчүнчү орунду багындырган.