Улуттук коопсуздук мамлекеттик комитети Жалал-Абад облусундагы Таш-Көмүр шаарынын 75 жаштагы тургуну Салия Таштанованы кармап кетти. Бул тууралуу маалымат 13-октябрда «Мекендеш Тв» фейсбук барагына жарыяланды.
Билдирүүдө Таштанованын кармалганына соцтүйүндөгү кайрылуусу негиз болгону айтылат. Бирок, эмне болгон кыйрылуу экени айтылган эмес — анын аты-жөнү жазылган фейсбук барагында дээрлик эч кандай маалымат жок.
УКМКдан бул боюнча маалымат алууга мүмкүн болгон жок.
Салия Таштанова өткөн жылдын 15-октябрында Өзгөндө өткөн элдик курултайга катышып, Кемпир-Абад суу сактагычынын жерин Өзбекстанга берүүгө каршы чыккан.
Ал курултайда сөз сүйлөп, атайын кызматтын башчысы Камчыбек Ташиев «чек ара маселесин чече албаса отставка кетсин» деп талап кылып чыккан.