Соцтармакта белгисиз тургун аялын уруп, жерге жыгып салганы тартылган видео тарады. Тасмадан алар турган жерден бир метр алыстыкта кольяскада баласы отурганын көрүүгө болот.
Чүй облустук ички иштер башкармалыгы «Клоопко» окуя 6-сентябрга караган түнү Кара-Балта шаарында болгонун билдирди.
Милиция 32 жаштагы шектүүнү кармаган. Ал эми анын 26 жаштагы жубайы күйөөсүнө каршы арыз жазуудан баш тартканы айтылат. Милиция бул окуя боюнча териштирүү ишин баштады.