Qazax sakini: “Sərhədin niyə açılmaması sualını İlham Əliyevə vermək lazımdır”

Azərbaycanın quru sərhədləri artıq 2 ildən çox müddətdir bağlıdır. Ölkədən çıxmaq üçün yeganə hava yolundan istifadə edirlər. Ölkə başçısı İlham Əliyev 2022-ci ilin altı ayının yekunlarına həsr olunan müşavirədə sərhədlərlə bağlı çıxış edib. O, quru sərhədlərin hələ uzun müddət açılmayacağı barədə danışıb. Pandemiyadan öncə insanların öz gəlirlərini qonşu Gürcüstandan qarşılayan Qazax sakinləri sərhədlərin açılmaması barədə nə düşünür? Bu, onlara necə təsir edib?