2008-ci il martın 1-də Ermənistanda keçirilən etiraz aksiyalarının dağıdılması zamanı 10 nəfərin ölümü və ölkədə konstitusiya quruluşunu devirmək cəhdi ilə əlaqədar açılan cinayət işi çərçivəsində ölkənin üçüncü prezidenti olmuş Serj Sarkisyan da istintaqa cəlb olunaraq dindiriləcək.
Bunu Ermənistan Xüsusi istintaq Xidmətinin rəisi Sasun Xaçatryan bildirib.
“Bu işlə əlaqəsi olan hər bir kəs istisnasız şəkildə dindiriləcək. Bəli, eləcə də Serj Sarkisyan da dindiriləcək”, – deyə Xaçatryan vurğulayıb.
