ABŞ-ın keçmiş diplomatı, hazırda Sərhədsiz Reportyorlar təşkilatının Böyük Britaniya bürosunun rəhbəri Rebekka Vinsent siyasi məhbus Seymur Həzi ilə bağlı beynəlxalq birliyə özünün fb və Tvitter səhifələri vasitəsilə müraciət edib.
Müraciətdə deyilir:
Hesab edirəm ki, 4 il əvvəl həbs edilmiş Azərbaycanlı jurnalist dostum Seymur Həzi hələ də ədalətsizcəsinə həbsxanadadır. Təəssüflə bildirirəm ki, bütün səylərimə rəğmən beynəlxalq diqqətin çox az olduğu həbslərdən biridir Yəqin ki , bunun səbəbi onun ingilis dilli olmaması və ölkə sərhədləri xaricində yaxşı əlaqələrə sahib olmamasından irəli gəlir. Amma Seymur Həzi Azərbaycanda yaxşı tanınır və Əliyev rejiminə bağlı etdiyi sərt tənqidlərə görə illərdir rejim mənsubları tərəfindən sərt basqıya məruz qalmışdır(ona qarşı təzyiqin qaçırılma və işgəncə də olmaqla uzun tarixi var). Əgər kömək etmək mövqeyindəsinizsə, xahiş edirəm Seymurun işini hər yerdə qaldırasınız.