Milli Şuranın sədri Cəmil Həsənli
Vaxtı ilə böyük rus yazıçısı Saltıkov Şedrin deyirdi ki, əgər mən saniyən yuxuya gedib yüz il sonra ayılası olsaydım və məndən soruşsaydılar ki, Rusiyada nə baş verir? Deyərdim yüz il bundan əvvəl olduğu kimi hələ də içirlər və hələ də oğurlayırlar. 3 gün bundan öncə 12 gün sonra keçirələcək seçkilərin nəticələrin açıqlamışıq, Əliyevlərin saxta seçki oyununu ifşa etmişik, millətə təhlükənin haradan gəldiyin ortaya qoymuşuq, indi xalqı seçki prosesindən uzaqlaşdıran kriminal rejim qalıb bir tərəfdə, yapışıblar bizim yaxamızdan ki, bunu niyə deyib “seçkiləri” şübhə altına almısan, seçki aktivliyin aşağı salmısan, ruh düşgünlüyü nə bilim daha nə yaratmısınız. Ay namizədlər seçki aktivliyi, ruh yüksəkliyi istəyirsinizsə, yüz minlərlə auditoriyası olan Turan tv təmənnasız olaraq Sizə təklif elədi ki, gəlin hər evə daxil olan bu tribundan seçki təbliğatınız üçün pulsuz-parasız istifadə edin. Əliyev rejiminin qorxusundan cəsarət etmədiniz. Oğul-uşaq, nəvə – nəticə sahibi olan bəziləri hələ də nağıllara inanır və nağılın sonunda göydən düşəcək üç almaya ümid bəsləyir. Yapışıblar bizim yaxamızdan ki, bizə niyə mandat vermirsiniz. A kişilər biz mandat vermirik, kimsəni də mandatdan məhrum etmirik, biz təhlükəni göstəririk. Siz isə həmin təhlükyə qarşı deyil, bizə qarşı mübarizə aparırsınız. Bir dəfə şair Qabil mənə maraqlı bir əhvalat danışmışdı. Deyirdi cavan vaxtımız idi, bulvarda gəzirdik, içmək istəyirdik, ancaq pulumuz yox idi. Bu dəmdə Xalq Şairi Məmməd Rahim bizə rast gəldi. Onu xeyli tərifləyəndən sonra bizə bir konyak aldı və sahildə Mirvari restoranına getdik. Mən onun şərəfinə tost deyib 60 yaşı yeni tamam olan şairə dedim ki, Rahim müəllim biz arzu edirik Allah Sizə 62 il ömür versin. Deyir Rahim diksindi və soruşdu ki, Qabil niyə 62 il. Dedim Rahim müəllim bir konyaka ondan artıq düşmür. Əl-qərəz hər konyaka Rahim müəllimə 2 il ömür artırdım və beş şüşə boşaltdıq. Qabil müəllim sonda çox ciddi şəkildə deyirdi ki, Məmməd Rahim məndən ömür istəyirdi. İndi bu siyahıdan sonra bütün namizədlər töklüşüb üstümüzə zəng edir, inboksa yazır, tənqid edib bizdən mandat istəyir. Hətta qətran qoxusu verən Rəsul Quliyev də dirib.