“Элтуз” “Марҳабо, талантлар!” танловини эълон қилади

“Элтуз” нашри ўзининг ютуб каналида “Марҳабо, талантлар” танловини бошлади.

Танлов шартлари

Танловда иштирок этиш учун қўшиқ, ашула, рақс, шеърни ифодали ўқиш, стенд-ап шоу чиқиши, интермедия, скетч-фокус ва акробатика намойиши ëзилган видеотасвирни 2019 йил 1 декабрга қадар юбориш керак бўлади.

Тасвирлар 7 минутдан ошмаслиги ва муаллифлик ҳуқуқи нормаларига риоя қилинган бўлиши шарт. Чолғу чалиш олқишланади. Фонограмма билан ижро қилмаслик сўралади.

Танлов ғолиби ютубдаги томошабин сонига кўра аниқланади. Номзод юборган видео эълон қилинганидан кейин 10 кун ичидаги томошабинлар сони ҳисобга олинади.

Видео эълон қилинганидан кейинги 10 кун ичида энг кўп кўрилган қатнашчи ягона ғолиб бўлади. Танлов ғолиби 31 декабрь куни эълон қилинади.

Ғолибга шохи бир айланган қўчқор бўйнидаги арқонига қўшиб берилади.

Марҳабо, талантлар!

Қатнашишни истаганлар телеграм (t.me/eltuz), фейсбук, (facebook.com/eltuzcom) ва eltuz2015@gmail.com электрон почтаcи ёки +46 76 595 45 52 рақамли телефон орқали бизга мурожаат қилишсин.

eltuz.сom