close
close
Document UZ
11 март 2020

Фаоллар Гулноранинг ўғирлик пуллари “айланма йўллар” билан қайтарилишидан норозилик билдиришди

close

Бир гуруҳ ўзбек фаоллари 11 март куни Швейцария ҳукумати ва масъул идораларига марҳум президентнинг катта қизи Гулнора Каримова ўғирлаган активларни Ўзбекистонга шаффоф ва ҳисобдорлик асосида қайтаришни сўраб чақириқ йўллашди.

Фаолларнинг ташвишли чақириғига 25 февралда ижтимоий тармоқларда пайдо бўлган Гулнора Каримованинг президент Мирзиёевга йўллаган мактуби орқали сизган маълумотлар сабаб бўлди.    

Гулнора Каримованинг қизи, Лондонда яшаётган Имон Instagram’даги саҳифасида эълон қилган мактубида Швейцария ҳукумати Ўзбекистон ҳукумати билан Гулнора Каримованинг мазкур мамлакат суд органлари томонидан 131 миллион АҚШ доллари миқдоридаги мусодара қилинган активларини қайтариш масаласида музокаралар ўтказаётгани ҳақида гапирган.

Хатда Швейцария ҳукумати бу активларни тиббиёт ва таълим соҳасидаги ижтимоий лойиҳаларга беришни режалаштираётгани ҳам таъкидланади.

Ҳуқуқ фаоллари юқорида қайд этилган музокаралар ва Каримованинг активларини қайтариш жараёни ҳақида жамоатчилик Швейцария ҳукуматидан эмас, балки қандайдир «айланма йўллар» орқали хабар топаётганларини билдиришган.

“Швейцария бу активларни Ўзбекистонга қандай йўллар билан қайтармоқчи эканлиги борасида шаффофликнинг етарли эмаслиги Швейцариянинг ўзи иштирокида ишлаб чиқилган ва 2017 йил декабрда Вашингтонда Активларни қайтариш бўйича глобал форумда (АҚБГФ) қабул қилинган тамойилларга зид келади”, дейилади жумладан чақириқда.

Фаолларининг ёзишича, шаффофлик ва масъулият. Ўғирлик активларининг қайтарилишида ҳисоботдорлик кафолатлари тўғрисидаги 4-тамойил; активларнинг ўғирланишига кўмак берган шахсларга уларнинг қайтарилишига йўл қўймаслик ҳақидаги 9-тамойил бузилган.

Телекоммуникация компанияларидан таъмагирлик ва пора олишда Гулнорага шерик бўлган айрим мансабдорлар ҳали ҳам Ўзбекистон ҳукуматида катта лавозимларда ишлаши ва улар Ўзбекистонга қайтарилган активларни ишлатишда иштирок этиши эҳтимоли каттадир.

Шунингдек, чақириқда давлат бошқаруви олий бўғинидаги манфаатлар тўқнашуви, пул ювиш, даромадли шартномалар, лицензия ва давлат назоратидаги мулкларни ношаффоф бўлиш билан боғлиқ қатор фактлар ва мисоллар келтирилади.

“Швейцария ҳукумати Ўзбекистон ҳукуматининг коррупцияга қарши ислоҳотлар ўтказилиши тўғрисидаги оғзаки ваъдаларига умуман ишонмаслиги керак. Бу ҳукуматнинг ваъда бериши осон, ҳатто у кейинчилик бажаришни «эсдан чиқариб қўядиган» прогрессив қонунларни ҳам қабул қилади. Масалан, 2019 йилда икки йилга мўлжалланган актикоррупцион ислоҳотлар дастури қабул қилинган эди. Аммо орадан қарийб бир йил ўтса ҳамки, уни амалда бажариш аломатлари кўринмайди.

Бу эса сўз ва иш бирлиги йўқлигига яна бир далилдир. Шунинг учун Швейцария ва активларни сақлаб турган бошқа мамлакатлар Ўзбекистоннинг оғзаки ваъдалари ва ёзма мажбуриятларига эмас, балки, биринчи навбатда, амалий ишларига эътибор қаратиши керак. Шундагина активларнинг қайтарилиши жараёни реал ўсиш ва мамлакатни барқарор ривожлантириш мақсадларига эришишга кўмак бўлади”, дея якунланади ўзбек фаолларининг Швейцария ҳукуматига йўллаган чақириғи.

Чақириқнинг тўлиқ матни билан бу ерда танишишингиз мумкин.

Тағин ўқинг
24 апрел 2016
“Ҳуррият” газетаси бугун халқнинг коммунал хизмат кўрсатиш соҳасидаги энг оғриқли нуқтасига эътибор қаратиб, иситиш тизими ва иссиқ сув билан ...
13 май 2019
Бош вазир Абдулла Ариповнинг 6 майда имзолаган ИИВ, мудофаа, Миллий гвардия, божхона ходимлари болаларининг олий ўқув юртларига имтиҳонсиз ўқишга ...
13 май 2017
ТошДУнинг журфагида биз 1988-1993 йилларда ўқидик. Раҳматли домламиз профессор Очил Тоғаев публицистикадан дарс берардилар. Домлага нисбатан кўпчилик талабаларнинг ҳурмати ...
24 декабр 2015
Eltuz Мамадали Маҳмудов билан журналист Малохат Эшонқулова қилган видеосуҳбатнинг Иккинчи қисмини эътиборингизга ҳавола қилади. Кеча 23 декабр куни Мамадали ...
Блоглар
23 март 2020
Ўзбек кинорежиссёри Сарвар Каримов 21 март куни ўзининг фейсбук саҳифасида “Сарвиқомат дилбарим” фильмидаги ўпишиш саҳналари ...
21 март 2020
Кейинги 6 ой давомида биз уларни урдик, калтаклаб майиб қилдик. Бонусига порахўрсан, таъмагирсан, дедик. Машина ...
18 март 2020
(Ҳикоямас, бўлгани…) Эргаш ўлипти…Ўзбекистонда ҳамма коронавирус ваҳмаси-ю, бозор давраси ташвишида… Гўёки оч қолиб кетгудек. Мен ...