close
close
Document UZ
21 май 2020

Тошкент шаҳри маданият марказининг ходимлари карантинда ишдан бўшатилди

close

Тошкент шаҳри марказий маданият марказининг камида 7 нафар ходими карантин даврида ишдан бўшатилди. 

Марказ администратори Шуҳрат Тоҳиров ходимлар, жумладан, унинг ўзи ҳам жорий йилнинг 6 февралида Маданият вазирлиги тафтиш гуруҳи ўтказган мажлисдан кейин бир ой ўтиб, марказ директори Зоҳида Умарованинг буйруғи билан бўшатилганини “Элтуз”га билдирди.   

Қўшиқчи Ирода Аллаберганова уни ва ҳамкасбларини Маданият маркази директори Зоҳида Умарова устидан шикоят ёзишгани учун қасддан бўшатишганини иддао қилмоқда.

Маданият марказининг “Ритм” рақс дастаси саҳналаштирувчи режиссёри лавозимида ишлаган Ирода Аллаберганова ўз меҳнат дафтарчасини 6 май куни почта орқали олганини айтади.

“Мен ишдан бўшаш ҳақида ариза бермаганман. Марказ директори Зоҳида Умарованинг ўзи ўтган сана билан буйруқ чиқариб, бизни ишдан бўшатяпти, меҳнат дафтарчамизни эса почта орқали уйимизга жўнатяпти”, деди у.

Унинг билдиришича, марказнинг 7 нафар ходими 2020 йилнинг 3 январида Тошкент шаҳри ва Юнусобод тумани прокуратураларига шикоят ёзишган. Шундан сўнг 6 февралда Маданият вазирлиги аризани текшириш учун ишчи гуруҳ юборган.

“Биз ҳамкасбларим билан директоримиз Зоҳида Умарованинг мукофот пулларимизни ўзлаштираётгани юзасидан шикоят қилганмиз. Йиғилишдан кўп ўтмай, бизни ишдан бўшатиш тўғрисида буйруқ чиқариб, меҳнат дафтарчамизни почта билан уйимизга жўнатяпти”, дейди Аллаберганова.

Вазирлик ишчи гуруҳи 2020 йил 6 февралда тасдиқлаган маълумотномага кўра, “марказда молиявий масалалар, хусусан, ходимларнинг иш ҳақларини ўзлаштираётганлиги, ҳақиқатда ишламаган ходимларга иш ҳақи ажратаётганлиги, берилмагани, пул маблағлари талон-тарож ҳолатлари юзасидан” далолатнома тузилган.

“Марказда меҳнат қонун ҳужжатларига амал қилмаган ҳолда ходимларни ишга қабул қилиш ва меҳнат шартномасини қайд этиш китобида 2019 йил учун 111 та буйруқдан 22 та буйруқ қайд этилган бўлса, қолган 89 та буйруқ қайд этилмаган”, дейилади, жумладан, маълумотда.

Марказ администратори Тоҳировнинг сўзларига кўра, ишдан бўшатилганлар режиссёр, қўшиқчи,  раққоса ва администратор каби лавозимдагилардир. У бўшатилганлар ўрнига ким тайинланганини ҳозирча билмаслигини айтади, чунки марказнинг ўзи карантин учун ҳамон ёпиқлигича қолмоқда.

Eltuz.com

Тағин ўқинг
28 март 2017
20 март куни эълон қилинган энг бахтли мамлакатлар рейтингида Ўзбекистонликлар барча собиқ Совет давлатларини ортда қолдирди. Gallup тадқиқот маркази ...
1 феврал 2018
Швецияда чиқадиган “Афтонбладет” газетаси террорчиликда айбланаётган самарқандлик Раҳмат Оқилов 42 ёшли таниқли комик артист Ўз Нуин (Özz Nûjen) оиласи ...
24 октябр 2016
Ўзбекистондаги сиёсий партиялар 4 декабрь куни бўлиб ўтадиган президент сайловига ўз номзодларини кўрсатиб бўлди. Энг сўнггида муваққат президент ва ...
25 феврал 2017
Ижтимоий тармоқда ўзбек тўйидаги куёвнинг келиндан бўса олиш анъанаси юзерлар нафратига дуч келди. 22 феврал куни Фейсбук тармоғига қўйилган ...
Блоглар
3 июн 2020
Бир нарсага эътибор қаратдим: АҚШда бўлаётган воқеаларга эътибор рус интернетида жуда юқори; рунетда бу воқеаларни ...
28 май 2020
Бош прокуратура коронавирус тарқалиши силсиласини аниқлаш осон бўлиши учун фуқаролардан кундалик тутишни сўраганида баъзилар буни ...
25 май 2020
“Би-Би-Си” радиоси ўзбек хизмати журналисти Муҳаммад Солиҳга: “Коронавирус пандемияси пайти шундай чиқиш қилишингиз ўринлими? Бунинг ...