Таниқли блогер Ақида Ханум Мариуполда қолаётган болаларга ёрдам бермоқчи

Ўзбек блогери Ақида Ханум ўз бисотидаги энг қадрли сувратни сотиб рус босқинчилари қамалида қолаëтган Мариупулдаги гўдак ва болалар учун бермоқчи.

Ўзбек гўзали акс этган бу асарни таниқли рассом Эркин Орол бир неча йил давомида мойбўëқлар билан мато узра яратди. Расмда Ақида Ханумнинг қиëфасини кўрамиз.

Кимда ким бу сувратни сотиб олмоқчи бўлса бошланғич нархи беш минг доллар. Бир ой мобайнида ким кўп нарх таклиф қилса шу киши бу ноëб асар эгасига айланади ва айни пайтда украиналик болаларга кўмак берган ҳисобланади.

Расмдан тушган пул Украинанинг Ўзбекистондаги элчиси воситачилигида Мариупулдаги болалар учун нима зарур бўлса шунга сарфланади. Қамалда оч яланғоч ва етим қолган болалар дарди ўзбек аëлининг оромини ўғирлади.

Йигирманчи асрда марғилонлик Тамара хонум немис фашистларини қириш учун ўз концертларидан тушган пулга танк сотиб олган эди. Йигирма биринчи асрда эса тошкентлик Ақида Ханум замонамиз фашистлари дея лаънатланган рус босқинчилари қамалида қолган гўдакларга ëрдам қўлини чўзмоқда.

Офарин Ақида Ханум. Қани кимда қандай таклиф бўлса изох сифатида ëзсин ëки Ақида Ханум билан боғлансин. Соат миллари фурсат учун вақтни санай бошлади. Азиз асримизнинг азиз онлари азиз одамлардан сўрайди қадрин.

Eltuz.com