“Бол тутган бармоғини ялайди…”

Ўзбекистондаги “Вақф” хайрия жамоат фонди раиси Искандар Халилов хизмат машинаси сифатида миниб юрган “Малибу-2” автомобили тармоқларда баҳс уйғотди.

“Вақф” раиси Ўзбекистонда ишлаб чиқарилаётган энг қимматбаҳо енгил автомобилнинг хорижий меҳмонларни муносиб кутиб олиш учун ўзига хизмат машинаси сифатида сотиб олинганини билдирди.

“Малибу-2” Ўзбекистонда ишлаб чиқарилган энг қиммат автомобиль ҳисобланади, унинг нархи қарийб 276 миллион сўм ёки 32600 АҚШ долларини ташкил этади.

“Вақф” хайрия жамоат фонди раҳбарияти автомобиль хайрия-эҳсонга тушган маблағларга эмас, балки жамғарманинг ўз харажатларига мўлжалланган асосий ҳисоб рақамидаги пулга харид қилинганини матбуотга билдирди.

Билдиришга кўра, қиммат машина сотиб олиш учун пул Ўзбекистон Мусулмонлари идорасидан келиб тушган.

Рассом Кирпи
Eltuz.com